أنا والطبطبة

عمري م افتقدت حاجة في حياتي قد " الطبطبة".. 

طول الوقت مفتقدة الطبطبة.. لدرجة أن لما حد بيطبطب عليا دموعي بتنزل.. اللي هو ايوا الله يخليك طبطب عليا كمان والنبي.. لما حد بيسألني بحنان كده عاملة ايه يعني مش مستني يسمع مني اه الحمد لله كويسة ويقتنع اني تمام وكويسة.. عارفين الناس اللي لما بتقولولهم الحمد لله بيبصوا في عينيكم ف يعرفوا انكم مش كويسين.. اهي الناس دي برضو بحس انها بتطبطب عليا بعينها.. ف ببقى عايزة اعيط برضو.. 

الطبطبة وحشاني اوي بجد.. الايد اللي لما بتلمسني دي بحس اني بشيلها مشاكلي وهمومي وبعدها وزني بيخف وبمشي في الدنيا طايرة.. وحشتني اوي الإيد دي.. الإيد اللي بتسندني لما أقع واغلط برضو تستندني وتطبطب عليا وتضحك.. مبقتش لاقياها.. 

عشت طفولة قاسية جدا وكذلك مراهقة وشباب.. بتمنى من ربنا أن أيامي اللي جيه تبقى أكثر لطفاً وأكثر حنية.. وتبقى مليانة أيادي بتطبطب عليا وبس.. مش عايزة قسوة تاني يارب.. عايزة حياة سهلة وجميلة وبسيطة لحد م أقابل كل الناس اللي افتقدت ايديهم اللي كانت بتطبطب عليا.. يارب أيامي تقيلة اوي وانت وحدك اللي قادر تخففها عليا.. أنا وحمدي❤️🤱..