الكلمة نور

وبعض الكلمات قبور 

بعض الكلمات قلاع شامخة يعتصم بها النبل البشري

الكلمة فرقان بين نبي وبغي..

طبعاً ده كلام الأستاذ الكبير عبد الرحمن الشرقاوي

من نص الحسين ثائراً.. عندما طلب الوليد من الحسين أن يبايع فقال له ما هي إلا كلمة.. فلتقل : " بايعت " واذهب بسلام لجموع الفقراء

فلتقلها وانصرف يا ابن رسول الله حقنا للدماء..

فلتقلها.. آه ما أيسرها.. إن هي إلا كلمة

الحسين : ( منتقضا ) كبرت كلمة !..

*************************

هفضل طول عمري ولحد م أموت.. لحد آخر نفس فيا.. أقول قد ايه الكلمة مهمة..

قد ايه الكلمة ممكن تموت وممكن تحيي..

الكلمة اللي بتقولها وانت مش واخد بالك ومش مهتم ممكن تتسبب في أن شخص ينتحر أو يغير مسار حياته للأسوأ أو للأفضل.. الكلمة اللي ممكن حد يرميها بدون احساس.. ويبقى عايش حياته ولا واخد باله ممكن تدمر شخص تاني..

ربنا وصانا بجبر الخواطر والكلمة اسهل طريقة وارخص طريقة تجبر بيها خاطر غيرك.. ربنا بجلالة قدره جبر خاطر سيدنا النبي.. لما قاله في كتابه العزيز في سورة البقرة "فلنولينك قبلة ترضاها".. سبحانه مقالهوش هي دي القبلة وخلاص مع العلم أن سيدنا النبي وكلنا كنا هنقول آمين.. بس لا له حكمة في ده.. عايز يعلمنا نجبر بخاطر بعض.. ونخاف على شعور بعض..

الكلمة الطيبة صدقة❤️..

طب اتصدقوا يا جماعة.. بلاش الدبش اللي بترموه من غير احساس.. حسوا ببعض.. وطبطبوا على بعض.. كسر الخواطر عقابه كبير قوي عند ربنا.. زي ما جبرها كمان جزاءه عظيم..