يا منتهي لوعتي
يا قمة اللوعة
إزاي اقول حكمتي
و الخلق مش سامعة
و الصرخة مش طالعة
و الشمعة مش والعة
و الكلمة بتحاسب
لا فيوم تكون سلعة
يا منتهي غربتي
في سكة العاشقين
و إن قولت يوم غنوتي
راح اغني للمساكين
قلبي مهوش طايق
يعيش ما بين ضلعين
حالف ليتكتف
في بدلة المجانين
يا منتهي صبري
يا مستقر الشوق
يا دنيا مفتونة
يا فتنة موهومة
إن كنتي مفهومة
راح تاخدي فيا ثواب
لو تجبري خاطري
يا منتهي روعتي
ويا روحي علرقة
قلبي عزف دقة
قلبك عزف موال
مقدرش اكونله عزول
و لا يوم اقول لأ
الحلو طب خلاص
فاضل يا دوب زقة
يا منتهي قسوتي
يا قسوة الحيرة
لما بدوب يا ناس
بتكونلي تأشيرة
إنك تكون ملِكي
وإنك تكون مَلكي
وأكون أنا أميرة
لكني بتعب كتير
و بموت من الغيرة
يا منتهي طيبتي
ايه آخرة الخذلان
انا قلبي تعب من المناهدة و م العتاب
تعبت اقول معلش و اتأسف
تعب يدور علي اعتذاره و يفلسف
مش كفاية عليه القساوة و الغياب!
2
-2
