خلي القصيدة بدون ببان
مش عايزة أحبسه حزني
و لا عايزة تهرب فرحتي مني
أو تغفلني المعاني
و تجري رايحة لحد تاني
أو في يوم الشمس يبقي نورها محدود المكان
أنا كلمتي حرة متتهددش
سبقاني بالخطوة متترددش
ثايرة علي لساني
طايرة كما حصاني
لكنها اصيلة ثابتة بجذر متين
و عمرها متغش
لو شنكلوا الشبابيك
الضي راح يهرب
لو قلمي فاته الضي
عقلي خلاااص يضرب
لو تربسوا عقولهم
مفتاحه ويايا
حتي اللي متشمع
مفتاحه شمعاية
ديتها ولاعة
يفتح هوا معايا
مبحبهاش لبواب
و لا عشقي في الشبابيك
لون المطر لمعته
ويا احتضانه الطين
محتاج لحبة براح
محتاج للحظة طيش
محتاج يدوق دمعتي
يحتار يروح علي فين
يطير اوام علي فوق
و يرسم القلبين
مشهد و متقسم
علي مقاس الاتنين
تفتكروا لو في باب
كان يلتقي الحبيبين؟!