أنا الصوفي اللي زاهد في الكلام كله

 وأنا المفتون من الدنيا 

أنا الدايس علي الاحلام

 وأنا الغارق ومش قادر أعيش ثانية 

أنا لو خيروني يوم.. أسيب الشط 

وأدوب فلبحر ولا إني بدونك يوم أكون عايش

وأنا الصايب وأنا الخاطيء وأنا العاقل وأنا اللي اخترت أكون طايش 

وأنا دلوقتي لو غنيت هقول للصبر ليه صابر

يا متقسم بليلي يا عين يا شايل هم ومكابر 

أنا موجود ومش موجود جدع جدا وأد القول لكن موجوع ومش قادر

انا الصوفي اللي زاهد في الكلام كله

وأنا المفتون من الدنيا

أنا الدايس علي الاحلام

وأنا الغارق ومش قادر أعيش ثانية

ومعرفشي السلامة منين وما حلتيش قلوب تانية!