الزبادى البيتى ...أجمل وأنظف وأوفر

السلام عليكم ورحمه الله

شهر رمضان على الأبواب .. اللهم بلغنا هذا الشهر الكريم
الزبادى البيتى عن تجارب رمضانية سابقة .. أجمل ..وأنضف.. وأوفر من الخارج
تكلفة الزبادى اليومية مكلفة ..ولايمكن الاستغناء عنه بعد السحور..يرطب المعدة.. ويخفف حدة العطش .. وخصوصا أن رمضان سيأتى فى الحر الشديد
ولا يشترط أن يكون لديكى ماكينة عمل زبادى متطورة أو غالية السعر
يمكنك أن تصنعيها من أى حلة عندك محكمة بمساعدة الكهربائى ...أو لو الزوج غزالته رايقة يركبها فى عشر دقائق:)
فكرتها سهلة وبسيطة .. موجودة عند الغالبية منا .. اذا لم تتواجد لاتشتريها من الخارج

ومتأكدة أن كل زوج عندما يتذوق ويعرف الفرق بين طعم وجمال كوب الزبادى البيتى ..وبين الزبادى الآلى معدوم الطعم .. فاقد التماسك .. وقتها لن يندم انه شاهد هذا الموضوع ..وسيتوجه فورا لأقرب ضلفة مطبخ .. ويسحب اقرب حلة ..ويضع بها اللمبة( سهارى أصغر حجم )
أول مرة فقط سنحتاج لكوب زبادى خارجى للإستعانه بالخميرة

نضع معلقة زبادى فى كل كوب .. ونقلبها جيدا

أكواب زجاجية زهيدة الثمن ( الكوب ب جنيه :))


ونصب عليها اللبن .. ونقفل عليه الغطا من ساعتين ونصف : 3 ساعات فى لمضه ( سهارى ) لايفتح عليه ابدا
لأن الجو بارد الآن.. فى الحر لن تتعدى الساعتين
ولايشترط تواجد هذه الطارة المخصصة لرص الأكواب

تعالوا نفتح عليه بالراحة حتى لايفقد جو التدفئة ...بعد ساعتين
مممم .. بدء فى التماسك .. لسه شوية:)



بعد ثلاث ساعات .. تماسك تماما
وملمسه ناعم جميل


يوضع فى الثلاجة .. ثلاث أو اربع ساعات


الكوب منه .. يعادل 2من عبوة ( زبادى اللبان) أوالزبادى الآلى فى الحجم .. الأخير تباع العبوة بجنية ونصف .. وعند التهام أول ملعقة ترى قاع الكوب .. تقريبا الكوب به 5 ملاعق .. فى حين أن كيلو اللبن ب 7 جنيه يصب فى 12 كوب بلاستيك ..ثمنهم 18 جنيه
هذا الكوب يعتبركبير .. يمكنك ان تستعملى اكواب أقل .. وخصوصا لو فى اطفال صغار


لنختبر مدى جودة زبادى جيجى .. يمكننا أن نقلبه
ولا نقطة:)


اختبار أخر بعيد عن الطبق تماما



اذا برضو مش مصدقيين.. ممكن نربطه مقلوب ونعلقه فى المطبخ:):)

وبألف هنا

طيب فرضا الخال الطيب للزوج مش حاضر نعمل ايه لنوفر فى رمضان ونحصل على جودة أعلى ومصاريف اقل
تعالى أقولك تعملى ايه



هاتى حلة من عندك تكون لها يدين ( ياعنى ايه ياجيجى فى حلة لها ايد ) :)
اسهل لتواجد الثقب بها
فكى احدى اليدين وادخلى فيها سلك وضعى صامولة


وركبى دواية وضعى فيها لمبة اصغر حجم


أو الكهربائى يضعها لكى وانتى واقفة
كثير من السيدات تصنعه فى فرن البوتجاز .. تضع ماء فى صينية وتضع الأكواب فى فرن دافى
هذه الطريقة الصراحة لاتنجح فى كل الأوقات لأن الفرن سيفقد سخونته فى خلال نصف ساعة بالكتير والزبادى يلزمه درجة تدفئة خاصة .. والا لن تنشط بكتيريا التخمر..
والنتيجة قوام غير متماسك .. زبادى ( مُجبن ) يشبة اللبن الرايب




نشوف الفرق بين العبوة الآليه .. والموجود بالصور
العبوة الاليه أصغر من كوب القهوة الصغير
الكوب المستعمل أكبر من كوب القهوة
لكم أن تتخيلوا الفرق فى الحجم

وكل عام وأنتم بخير
حالا ..أول مايهل شهر رجب .. بعده بيومين .. وليس شهرين يهل رمضان :)