طريقة عمل التراميسو بالموكا والكريم كراميل .. خطوة خطوة

المقادير :
بسكويت حسب الرغبة.. المفروض بسكويت دايجستيف .. لكن ممكن العادى
2 باكو كريم كراميل
2 باكو نسكافيه
بودر كريم باتسييرى ( هقولك تعمليه ازاى )
كيلو لبن

هكتب الطريقة وهنزل الصور دفعة واحدة
رجاء انتظار تحميل الصور

الطريقة :
أول حاجة نعمل الكراميل
نصف كوب سكر مع ربع كوب ماء على النار حتى تصير كراميل
وبعد كدة اضربى 3 ملعقه كبيرة من بودر الكريم شانتيه حتى يهش
وضيفيه على الكراميل , دة بدل الكريم باسترى . واتركيه يبرد

هاتى السرفيس اللى هتعملى فيه
وفضى كيس كراميل فى الأسفل
وبعد ذلك ذوبى ا باكو نسكافيه مع ملعقة سكر وكوب لبن , وبلليه فى البسكوت .
ورصى فى السيرفيس الطبقة الأولى من البسكوت

وبعد ذلك هاتى باكو الكريم شانيه وضعى عليه باكو الكريم كراميل واضربيهم بكوب لبن مثلج وضعيه على أول طبقة من البسكوت

الخطوة اللى بعد كده ضعيه طبقة اخرى من البسكوت المبلل بالنسكافيه
وضعى عليه الكراميل اللى سبناه يبرد

فاضل كدة باكو كريم كراميل اعملى عادى وسيبيه يبرد خالص وضعيه على البسكوت

دخليه الثلاجة يتماسك جدا
وبعد كده خرجيها
فاضل عندنا باكو نسكافيه دوبيه فى قليل من اللبن وملعقة سكر
واضربيه مع 3 ملاعق بودر الكريم شانتيه هيعمل طعم موكا جنان , ضعيه على طبقة الكريم كراميل
وزينى بكيس الكراميل

وبألف هنا
والله ياجماعة طعمها تحفة
جربوها ومش هتندموا