المقادير

كيلو لحم مفروم
2 بصلة كبيرة
1 فلفل رومى
بقدونس
2 ملعقة صلصة
ليمونة ونصف
رغيف عيش فينو
ملح - فلفل أسود
الطريقة :
يبل رغيف الفينو ويُعصر جيداّ ويضاف على اللحم المفروم
وتضع كل المكونات
ملحوظة هامة : معلش ياجماعة هتعبكم معايا شوية , ياريت تبشر البصلة والفلفل الرومى بالمبشرة , أنا عارفة إن الكبة أسهل وبتوفر وقت , لكن البصلة لما بتتبشر بتبقة ناعمة جدااا , وبتنزل ميتها , غير كدة لمابتبقة البصلة مقطعة كبير ( بيبقة دمها تقيل أوى ):):)
وياريت طلب كمان , تتبل قبلها بيوم بتعطى نتيجة رائعة
وتصبع على سيخ أو عصا رفيعة ( أو الموجود عندك )
وتدخل الفرن لمدة نصف ساعة أو حسب فرنك .
بعد إنتهاء نضجها فى الفرن تكونى مولعة فحمة , وتضعى قطعة فويل صغيرة فى الصينية , أو فنجان صغير به نقطتين زيت , وتطشى فيها الفحمة وتغطى .
وترص فى السرفيس , وبالهنا والشفا