السلام عليكم ورحمه الله

سلك الشباك إتقطع .. ناديت على حارس العمارة
(البواب ).. أحسن تفتكروا إنى ساكنة فى عمارة بحرس أمن ولاحاجة :).. ولكنى لاأحب مصطلح البواب.. ماعلينا

أبو احمد إطلع
ايوه يامدام
هاتلى النجار اللى بعدينا بشارعين .. وإوعى تجيب واحد غيره ...دة نجار شاطر ..وإتعاملت معاه كتير وعارفة شغله

هو حضرتك عايزاه ليه؟
ابدا ياأبو أحمد البلاعة ضربت وعايزاه يسلكهالى

يامدام انا مش قصدى ... قصدى إن أنا بعرف فى النجارة واقدر اخدمك فى أى حاجة

بجد .. عندك خبرة
يامدام ازاى تقولى الكلام دة .. إسألى الرياسة مين اللى جدد شبابيك القصر الجمهورى:)
وأنا .. وأنا

قلت فى نفسى هو أولى .. رزقه

حل الشبابيك ياأبو أحمد.. وإعملها النهاردة مش هنام والشباك من غير سلك

يامدام إنتى برضه لسه ماعرفتنيش ..أنا آد كلمتى
ماشى .. همتك يابطل


فى العادى النجار المتمكن يعمله كده ... برواز خشب بطريقة نظيفة .. وأنا بدهنه بعد كده بفرشاه صغيرة ..



لكن أبو أحمد بما إنه أشهر .. وأمهر النجاريين ومصممى الديكور .. طلعهولى كدة



والله كان هيغمى عليه

كرتون .. كرتون ياجماعة ..والحق يتقال مسامير معمولة بحرفنة لم آراها فى حياتى.. ولو نزلت لأخر الشباك .. وفتحت ضلفة الأزاز لتكون الصورة أوضح
ستروا مدى العبقرية .. دة غير الكرتون والمسامير .. قطعه وهو بيركبه .. طب أنا مغيراه ليه؟



وربى لولا إنى تمالكت أعصابى لكنت ......


إنزل من قدامى دلوقتى
إنزل من قدامى ..

فى ايه يامدام ..
بيقولى فى ايه يامدام

قولولى أعمل فى ايه؟
لم أتخذ أى تصرف معه.. ولن أتخذ .. لأن مافيش حل ؟ بوظ الشباك وإنتهينا

لكن عندى مشكلة حلوهالى .. طالعة .. نازلة .. بشوفه بتعصب
أقرأ قرآن وأنا نازلة لأهدأ .. أبدا