معجنات بطريقة واحدة .. وأشكال مختلفة

السلام عليكم ورحمه الله
دى مقادير حلوة أوى لعجينة هشة وطرية
وطعمها جنان
فى شوية ملحوظات .. لو اتبعتيها ... هتلاقى نتيجة مبهرة

أول حاجة .. لاتخلطى المقادير على بعضها قبل اختبار الخميرة
اذا اختمرت وعليت كدة .. تبقة شغالة زى الفل.. اخلطى المقادير على بعضها .. وتوكلى على الله
لكن اذا لم تفور فى خلال خمس دقائق .. كنسلى المشروع :)... لأن العجينة ستفشل
وخسارة المكونات

تانى حاجة .. لما العجين يلم معاكى .. لاتعتقدى أنك خلصتى .. لازم تقعدى حوالى ربع ساعة أو يزيد تعجنى فيها
لغاية لما يطرى العجين فى ايدك ( وزى مابيقولوا تبقة زى الملبن )
واذا كانت هناك عجانة .. أخرجيها بعد ماتلم واعجينيها بيديكى ايضا

ثالث حاجة .. الجو برد جدا .. ولازم الخميرة تخمر فى مكان دافئ ولعى الفرن شويه
وأدخلى الخميرة تخمر
بس اوعى تنسى تقفلى عين الفرن

----------------------------------------------------------------------------------
المقادير
3 كوب دقيق كبير
نصف كوب زيت ( نفس الكوب )
5 ملاعق لبن بودرة
قطعة خميرة
2 م صغيرة سكر .. واحدة مع المقادير .. وواحدة تخمر بها الخميرة
2 م ملح ممسوحة
ماء دافء للعجن


ضعى كل المكونات على بعض .. وضعى الخميرة .. وأعجنى بماء دافئ
وضعي العجين فى مكان دافئ .. وغطيه بفوطة حوالى ساعة الا ربع



هنا قبل .. وبعد



وابدئى فى تشكيل العجين كما يحلو لكِ
وبالمكونات الموجودة عندك .. هذه العجينة تاخد اى حاجة ماتقولش لأ
لحم مفروم .. طماطم .. فلفل .. زيتون..جبنة رومى مبشورة ..شيدر .. ممكن تونة.. ممكن قطع فراخ متبلة ومستوية
سوسيس ..
أنا عملت منها بيتزا .. وفطائر باللحم المفروم












ملحوظة مهمة جدا
هذه المخبوزات لاتأخذ فى الفرن أكثر من عشر دقائق
مجرد ( تشقر النار ) باللغة المطبخية
ولعى لها الشوايه




وممكن ايضا تعملى منها سينابون

أضيفى فقط للمكونات ربع كوب سكر..2 ملعقة بيكنج بودر
تفردى العجين على الرخامة وترشى قرفة وتلفيها اسطوانة وتقطعيها صغير أو كبير على حسب رغبتك
مع ملاحظة أن العجين الجيد بيعلى فى الفرن
انا قطعتها صغيرة .. شوفى النتيجة



وترشى على وشها سكر
أو شيكولاه سايحة
أو من غير تزيين .. هشة وجميلة ورائحة القرفة فيها روعة
واعتذر لم اتمكن من تزيين الشيكولاه بشكل جيد .. الكل مستعجل أن يأكلها ساخنة
وكادوا أن يفتكوا بى وبتاميكوم:)