صينية المكرونة بالبشاميل من مطبخ جيجي

المقادير :
2 كيس مكرونة أقلام
نصف كيلو لحم مفروم
كيلو لبن
2 بيضة
4 ملعقة دقيق
4 حبة طماطم
2 فلفل رومى
2 بصلة متوسطة الحجم
ا ماجى
3 ملاعق سمن أو زبد ( حسب الرغبة )
ورق لاورا - ملح - فلفل - بهارات - جوزة الطيب

الطريقة :
1- تسلق المكرونة .. وتصفى وبعد أن تبرد قليلا أضربى بيضه وضعيها عليها

وبعد كده نعمل العصاج
تعالى ورايا أقولك على طريقة عصاج حلوة جدا:)

طريقة عمل العصاج :
شوحى البصل مع ملعقة سمن حتى يصفر قليلا.. وضعى ورق اللاورا, وضعى الفلفل الرومى .. اللى قلت لك عليه فى المقادير, دقيقتين فقط وتضعى اللحم المفروم وشوحيه قليلا وتبلى بالملح والفلفل الاسود والبهارات وجوزة الطيب , وبعد ذلك ضعى عصير الطماطم حتى تشربها تماما .

هااا.. خلصنا كده العصاج:)
ضعيه على المكرونة المسلوقة واخلطيه ببعض

نيجى لعمل البشاميل

طريقة عمل البشاميل:
عندنا لسه فى المقادير ملعقتين سمن كبيرة
ياله نبدأ :
سيحى السمن وضعى ال4 ملاعق دقيقمع التشويح المستمر , وضعى واحدة الماجى لمدة 4 دقائق فقط وضعى اللبن والملح والفلفل والبيضة( وعصير الطماطم ) حتى تنضج ويتقل حجمه. وممكن نضيف كريمة لبانى

أنا عارفة ان فى كثير بيعملوه بشاميل ابيض , بس جربى معاه الطماطم بيبئة بشاميل وردى يجنن

ونأخذ نصف البشاميل ونقلبه مع المكرونة واللحم المفروم
والنصف الاخر نضعه على الوجه
دخليها الفرن ( على حسب ماتأخذ فى فرنك )
وعلى العموم هى فى المتوسط 45 دقيقة

وبرضوا فى سيدات بتضع المكرونة واللحم المفروم طبقات وليس مخلوط مع بعضه

بس جربى المرة دى .. هتلاقيها بعد النضج , وبعد أن تبرد قليلا أصبحت قطعة متماسكة , وليست مفرفتة:)

وبألف هنا