عاااااجل : قطار الصعيد يقتل عشرات الأطفال والسيد هشام قنديل رئيس الوزراء يشارك في دفن طفل فلسطيني قتله جنود الاحتلال !!!!!!!!!!!!!
عــــــــــــــزة
البيت فقير والجيب فاضي
والكل مبسوط وراضي
صبح الصباح فتاح يا عليم
ورمينا تكالنا ع الهادي
واتلموا العيال ع الطبلية
راضيين بالفول والطعمية
أحمد باس عزة وقال لسعاد :
محتاجة حاجة م الجمعية؟؟؟؟؟
وسعاد تقوله مستورة....
يخليك ربي لعزة وليا
خرج الجدع على باب الله
لا عايز شقة ولا عربية
ويقول لنفسه أعيش مستور
وأنام وأقفل بابي عليا
وأربي عزة وأعلمها
وأشوفها عروسة متهنية
البت عزة أصلها نغشة
بنت خمس سنين
بس شقية
لسه امبارح بتقولي
أنا عايزة جزمة
بدل القديمة المهرية
عايزة جزمة بفيونكات
زي اللي جت في التمثلية
وكمان لمّيع بشريط أحمر !!
بتحط شروطها الفقرية
طب والله لاجيبلها جزمة
واياكش تخسّع ف المهية
أهي عشرة جنية كنت شايلها
ومش مهم الجمعية
ورجع من شغله شايل علبة
ورا ضهره مستخبية
قابلته عزة ف وش الباب يابابا
حفظت الصمدية
وبكره هروح للأبلة واسمّع
وأكيد هتديني هدية
ويبوسها أبوها ويرفع ايده :
يارب أشوفك محامية
وعشان حفظتي الصمدية
أنا جبتلك الجزمة هدية
طارت البت من الفرحة
منامتش ف ليلها ومستنية
تصحى الصبح تروح حضانتها
بالجزمة أم فيونكات وردية
وأحمد قام لبّسها وباسها وشالها
وراح على شغله م الفجرية
بس النهارده رايح شغله
واسم الله قلبه بيشاغله
اللهم اجعله خير :
شيطان ده ولا وهم
ولا قلق ع البت الفقرية ؟
وشويه يعلى صوات وصراخ
و القلب اتهزم
مش قادرة تشيلني رجليا
يقف ويبص م الشباك ..
إلحق ياجدع
القطر دهس العيال في الزراعية
زي المجنون يجري الجدع :
احفظها يارب دي حافظة الصمدية
الناس بتجري وهو معاهم
بس ياريت الجري بينفع ولا بيشفع
وصل الجدع مقطوع نفسه
والمنظر يا حول الله
يارب مانشوف ولا نسمع
ياربي ملايكة ع القضبان نايمة..
ودم وأشلاء مرمية
اللبس واحد والشكل واحد
والشعر أبو فيونكات
والقُصة ع الخدود الوردية
طيب قوموا ردوا عليا ....
فين عزة ؟؟
مش خرجت معاكم ف الصبحية ؟
ياعم ..يا حاج ..يا أستاذ ..
مشوفتش بت صغنونة حافظة الصمدية ؟؟
محدش فيكم شاف بت بجزمة حمرا
لميع وفيونكات وردية ؟؟؟؟
محدش شاف البت النغشة أم لسان طويل ،
محدش شاف المحامية ؟؟
الكل ساكت
و دموعهم بترد عليا ..
يا ناس قلبي مولع نار دي الحيلة الفقرية
أدور فين و أعرفها منين ؟؟
ده القطر ضيّع ملامحهم
مش باقي غير صرخة قوية
بين القضبان مش لاقي غير شنطة
وكراسة
وخمسين قرش ف كف طرية
وببص ورايا لقيت الجزمة
أم فيونكات وردية
وقلبي انكسر ع المحامية
طيب كنت سيبها يا قطر الموت
تسمّع للأبلة الصمدية
وترجع فرحانة بهدية
كنت سيبها يمكن عزة تكبر
وتبقى محامية
وتمسح دمعة مكتوبة عليا
ياااااقطر الجراح ياللي
صوتك حزين تملي
خدت الحبيب وماشي
وسبتني لهمي
أبكي على حالي
وياريت بكا عيني
يعيدلي اللي راح مني
لكن خلاص راحت
ويمكن تكون ارتاحت
من فقري والحاجة
كان نفسي أهنيها
كان نفسي أدلعها
كان نفسي أفرحها
كان نفسي تكبر قدام عيني
كان نفسي أخدها في حضني
كان نفسي أشوفها لابسة الطرحة
وأبكي في يوم فرحها
وأشوفها ولو مرة
دموع الفرحة
كان حلم هوّن كل آلامي
واسكترته الدنيا عليا
من النهارده خلاص
لا ضحكة في حياتي ولا بسمة
لا حلم ولا متعة ولا لذة
وياريتك يا قطر الموت
أخدت كل الأحبة
وسبتلي عزة
ياريتك يا قطر الموت
طيب قولولي
من مين آخد تارها ؟
م القطر؟؟
ولا الحكومة الغبية ؟
يا حكومة الجهل والرياء
يا حكومة جاهلة في الدين مستخبية
لو أنتوا صح إخوان
لو انتوا فعلا مسلمين
هاتولي حق المحامية
ولا أنا أتعب وأربي وأكبر
وبغلطة منكم
أرجع بالجزمة الوردية ؟؟
سايب العيال ورايح غزة ؟
وبصورة ودمعة كدابة
تعمل تمثيلية
ملعون أبوكم على أبو إخوانكم
على أبو دقونكم على أبو غزة
والله ده انت وحكومتك ورجالتك ما تسووا
....فردة من جزمة عزة
غازي جابر البشير زايد
د. نهى فؤاد محمد رشاد
احمد محمد عبد الوهاب كريدي
د. زينب عبد السلام محمد أبو الفضل 
زين دومه عبد العاطي الابوز
عبير عبد الرحيم عبد الحميد السيد
مي رضا أحمد عثمان
منى أحمد محمد إبراهيم
د.خليل السيد خليل محمد
محمد عبد المنعم ابراهيم محمد
د. نهله عبد الحكم احمد عبد الباقي 
د. عبد الوهاب المتولي بدر 
زينب حمدي 
حنان صلاح الدين محمد أبو العنين 
د. محمد عبد الوهاب المتولي بدر 
ياسر محمود سلمي 
د. شيماء أحمد عمارة 
م. اشرف عبد الصبور الكرم 
1
-1
