ثمن الحرية

ثمن الحرية

اتخنقتي لما عليكي غيرت ؟

لما شفتك وانتي خارجة واتضايقت ؟؟

غطي شعرك داري صدرك

إوعى حد يشم ريحتك

أو يقرررب حتى منك

اوعى في الشارع يعلا صوتك

أو بحسن نية تبصي

تسحري الدنيا بعيونك

ان حد سألك

مترديش

وان حد ضايقك

متبصيش

ومن الآخر لو تريحيني

ماااااااا تخرجيش

ما انا أصلي مجنون بعشقك

وغيرتي عليكي بتقتلني

عايز كلامك

همسة شفايفك

نظرة عيونك

ليا وملكي

حتى رموشك

جدايل شعرك

ضحكة خدودك

يعيشوا بأمري

حتى إن حلمتي في منامك

أكون أنا فارس أحلامك

وان يوم غلطتي وحلمتي بغيري

هحرررم عليكي النوم يا حبيبتي

صعب حبي ؟

مجنونة غيرتي ؟؟

طيب قوليلي

مين فينا عيشته ليها طعم ؟؟؟

من غير حبيب يغير عليه ؟

من نبض قلبه يحس بيه

من غير كلامه

يفهم كلامه

اتخنقتي لما عليكي غيرت ؟

طيب مابلاه الحب وغيرته

لو كنت بغيرتي أنا خنقتك

وعيشي يا حبيبتي أيامك

من غير غيرتي وبراحتك

ونامي وشوفي أحلامك

ومن غير خوف

ولا هتلاقيني قدامك

واخرجي وحدك زي ماكنتي

وشيلي صورتي من قلبك

يمكن هيا كمان بتراقبك !!

حلوة الحرية يا حبيبتي  ؟؟؟؟؟؟

عيشيها ومن قلبك

وفكي حبالي من إيدك

أنا لا عمري طلبت ولا اتمنيت

تكوني جارية وأنا سيدك

أنا بس فرحت وحبيتك

واتمنيتك

واترجيتك

أكون النبض في وريدك

أكون نفسك وتنهيدك

أكون فرحك في يوم عيدك

اتمنيتك واتمنيت

تكوني النور في لياليا

تكوني الضحكة

في وقت الفرحة ما تغلا عليا

ويااااما حلمت واتمنيت

تكوني ليا لوحديا

لكن انتي !!!!!!!!!!!!!!!!!!

لكن إنتي اخترتي الحرية

بس ياريتك تقوليلي

حلوة الحرية من غيري ؟؟؟؟؟؟؟