دنيا عجيبة بأمل كداب
ساعات بتضحك وتضحكني
ولما تضحك
ده لما تضحك !!!!!!!!
بحس الغدر في ضحكتها
ضحكتها كتير بتخليني
أضحك وانا ماسك فلبي بإيدي
بضحك وأنا خايف
مانا اتعودت على غدرك
بضحك ومش شايف
غير وشك التاني
ده أنا كان نفسي
أكمل مررررة الضحكة
وأفرح ولو يووووم
ده أنا من كتر الهم يا دنيا يا جارحة
في وقت ما بفرح ألاقي
دموعي سبقاني
وأكدب وأقول
دي دموع الفرحة
هووو أنتي مش لاقية إلا احنا ؟
ولا أنتي عجباكي جراحنا ؟؟
اتولدنا يا دنيا بنبكي
وقلنا دي عادة
بس لما طول العمر نشكي
يبقى ده مُر بزيادة
علمتينا الحزن
وحزنك علّم فينا
بنمد ايد للأمل
واليأس ساكن فينا
بنحلم كتير بالفرح
والحزن مااالينا
طالعين سلالم خشب
بنبص حوالينا
صعب الطريق يا دنيا ؟؟
ولا اللي مهزوزة خطااااااوينا ؟؟؟؟؟؟؟؟
كنا بنحلم حلم يا دنيا
بس الحلم ده شكله كبيرررررر
علمتينا الحزن يا دنيا
نسينا الضحكة
غريبة يا دنيا علمتيني
حتى اما انسى همومك واضحك
في وسط الضحكة أقوووول
اللهم اجعله خيررررررر
2
-2
