حب امتلاك

لا كان غضب ولا كان زعل

ولا كان هلالالالاك

لما أحب دايما أكون في قربك

لما أكون زي المجنون

إن عشت ليلة في بُعدك

لما أغار عليك من نسمة هوا

لما أشوفك فيك الدوا

لما برضى منك حتى بقليلك

أكون فرحك وأكون سعدك

أكون شمسك وأكون ضلك

أكون نجمة في عز الضلمة تضويلك

لما بعشق كل تفاصيلك

لا كان غضب ولا كان هلاك

دي كل الحكاية حب امتلاك

إني أغار على كل شعرة من شعورك

إني أرفض كلمة حلوة لحد غيري

أو حتى نظرة بحسن نية من عيونك

شيفاه غضب شيفاه هلاك

وأنا شايفه عندي حب امتلاك

شيفاه حصار إني دايما بسألك ؟

كلمتي مين قابلتي مين ؟

بصيتي لمين ضحكتي لمين؟

حد عدى مرة جنبك شاف شعورك؟

حد قرب مرة منك حس بعطورك ؟

بصيتي مرة بطرف عينك 

سحرتي الدنيا بنورك ؟؟

بصي ف عيوني متهربيش

ده انا غيرتي ناار ومتنطفيش

عايز كلامك صمتك وهمسك 

نومك وصحوك ضحكك وفرحك 

ملكي لوحدي ومايكفنيش

زعلانة من حصاري وغيرتي ؟

خلاص مع غيري متتكلميش

مع غيري متضحكيش

متتبسميش

وكمان إن نمتي يا حبيبتي

بغيري متحلميش 

شيفاه حصار 

شيفاه غضب

شيفاه هلاك

لكن الحقيقة انه

حب امتلاك