أصعب مرة أنا ذقت الغربة
لما لقيتني غريب في بلادك
يوم ما سحبتي كل وعودك
يومها بس لقيتني غريب
وأن لسه مخطتش حدودك
أما غريبة الدنيا وحالها
والأغرب منها اللي يحنلها
بعد ما كنت أنا كل حياتك
بعد ما كنت فارس أحلامك
بعد ما كنت الحلم الوردي اللي حلمتيه
فجأة بقيت في حياتك ماضي وكان
والله عبيط اللي مفكرها حدود ومكان
دي الغربة في نفسي وجوايا
الغربة انك ........ مش معايا
الغربة أنا حسيتها في صورتك
الصورة اللي كنت بكلمها
واللي ياما سهرت معاها
تحكيلي شويه واحكيلها
الليلة وصدفة أنا شفت الصورة
بس الغريبة المرة دي إني
لا حكيتلي الصورة ولا حكيت
الصورة اللي ياما في ملامحها غنيت
هيا الصورة اللي عليها بكيت
وداريت الصورة عن عيني
لتشوفني عنيكي وانا ببكي
...........................
والله عبيط اللي مفكرها حدود ومكان
دي الغربة في نفسي وجوايا
الغربة بقت عايشة معايا
الغربة لقيتها حتى في صوتك
الصوت اللي كان بيونسني
والكلمة اللي كانت تحرسني
دي حتى التنهيدة يا قلبي
والله كانت تلمسني
وفي عز البرد تحسسني
بحضنك جاااي يونسني
بس ف آخر مرة لقيت الغربة
يا خساااااااااااااااااااارة
ده حتى الصوت اتغير
لا فيه لقلبي أمان
ولا عاد تاني يحرسني
................................
والله عبيط اللي مفكرها حدود ومكان
دي الغربة في نفسي وجوايا
بقينا تلاتة عايشين بنخبي
أنا
والغربة
والجرح اللي ف قلبي
وزحمة وناس حواليا كتير
وكل اللي يشوفني يقول ماااالك ؟
ارسم ضحكة على وشي واداري
واقول ..... مفيش
بس الحقيقة اني
في غيابك مش عارف أعيش
قلبي اللي جوايا مات
وحبي اللي عشت عشااانه
مااااااااااااااااااااات
مبقاش صاحي جوايا غير جرحي
جرح بينزف دمع وألم
جرح بيوجع ولا قادر حتى اتألم
كله بيسأل مالك ؟ مالك ؟ مالك ؟؟؟؟
ولا قادر أحكي ولا اتكلم
ولقيتني خلاص مش قاااااااادر
نفسي اصرخ بأعلى صوووووت
يمكن صوتي يريحني
أيوه أنا نفسي اٌقول الآه
يمكن دوايا ف قووولة آآآآآه
يمكن تاعبني بجد سكووتي
بس الغريب والأغرب إني
لقيتني في حلمي بقول الالالالالاه
وصحيت من نومي على صوتي
لا لقيت راحتي
ولا حتى لقيت صوووتي
!!!!!!!!!!!!!!!!!!!!!!
2
-2
