= فوز م. طارق النبراوي امام مرشح النظام بمنصب نقيب المهندسين لم يكن مفاجأة لى فقطعا لن يبيع اي مهندس صوته بكرتونة سكر وزيت .. (بعض المهندسين اللى اعرفهم شخصيا ركبوا اتوبيسات مستقبل وطن للذهاب لمقر الانتخاب وهناك صوتوا للمرشح الحر صاحب التاريخ).
= المفاجأة بالنسبة لى كانت سقوط ابو شقة المدوي فى انتخابات حزب الوفد .. رغم الدعم الرهيب من اجهزة النظام لانه راجلهم .. ولكن تصويت الاغلبية كان عقابي ضده وضد من وراءه (مع احترامي للمنافس).
= ارجو من العقلاء فى اجهزة النظام دراسة نتيجتي انتخابات نقابة المهندسين وحزب الوفد .. دى انتخابات حرة .. مينفعش نقعد نقول اخوان او قطر او تركيا والقصص العبيطة دي تاني .. اسمعوا صوت الشعب الحقيقي اسمعوا صرخات الناس فى الاسواق والمترو والشارع ... دول اغلبهم كان اصلا بيؤيد النظام الحالي من ٨ سنوات .. شوفوا ايه الغلط اللى اتعمل وهل ممكن اصلاحه قبل فوات الاوان؟
= هل معقول ان تنهار تماما شعبية نظام كان يحظى باكبر شعبية فى تاريخ مصر (بل اعتبروه وقتها منقذ للبلد) في سنوات معدودة ولا يدرك ان طريقة حكمه خاطئة ويعدل من نفسه؟! .. اذا لم تشم رائحة الحريق المتصاعدة فلا تندهش عندما تلتهمك النيران.
2
-2
