= خدعوك فقالوا ان المصريين غير مؤهلين للديموقراطية .. بس حتلاقي الشعب كله متابعين للفجر ودارسين انتخابات نيويورك وبيقارنوا حالنا بحال كل العالم في كل بوستاتهم واحاديثهم .. وحتلاقيهم برضه عارفين كويس اننا معندناش انتخابات ولا احزاب ولا حياة سياسية اصلا ... فاما انصرفوا عن هذا العبث او باعوا اصواتهم لانها متاكدين انها بلا قيمة واللى يجي منهم احسن منهم. المرة الوحيدة اللى شاركوا فيها بقوة لما كانت انتخابات نزيهة.
= مدينة نيويورك ليست مدينة عادية فهي اكبر مدينة في العالم (من حيث المساحة .. طوكيو اكبر مدينة سكانا في العالم) .. وتعتبر مدينة نيويورك عاصمة العالم الاقتصادية ... يكفي ان تعلم ان ناتجها الاقتصادي وحدها (١.٣٣ تريليون دولار) يعادل اربع مرات اجمالى الناتج القومي لمصر كلها. بينما الناتج القومي لولاية نيويورك يعادل ٧ مرات الناتج القومي المصري. (مدينة نيويورك مجرد مدينة في ولاية نيويورك وليست عاصمة الولاية اصلا)
= القصة ليست نجاح ممداني رغما عن ترامب والمليارديرات .. القصة هي النجاح الساحق لكل من تحدي ترامب علنا مثل حاكمة فرجينيا وحاكمة نيوجيرسي واكتساح مقترح تعديل الدوائر الانتخابية بتاع كاليفورنيا .. اللى حصل هو نجاحهم كلهم بفارق كبير عن الجمهوريين رغم طلب ترامب علنا بالتصويت ضدهم .. هذا حدث في كل المناصب اللى تم الاقتراع عليها .. (عقبالنا .. في امريكا اغلب المناصب بتكون بانتخاب الشعب زى حكام الولايات والمدعي العام وعمد المدن ومساعديهم و غيرها من المناصب.) .. امريكا تتشكل من جديد بسبب وعي الجيل الجديد
Gen Z
= السؤال المنطقي هل سنصبح زيهم؟ .. الاجابة القاطعة حتما سيحدث .. طب متى؟ الاجابة الدبلوماسية عندما يرتفع وعي الشعب ..
1
-2
