انا مكنتش ناوي اكتب عن افتتاح سد النهضة .. ولا عن اعلان رئيس وزراء اثيوبيا بنفسه عن عزمه انشاء ٣ سدود اخرى مشابهة (انا كنت نشرت تفاصيلهم من ثلاث سنوات ) وهي سدود "كارداوبة"، و"بيكو أبو" و "مندايا" .. وسعتها ١٥٠ مليار متر مكعب (ضعف سعة سد النهضة)
= انشاء هذه السدود ضرورة حتمية من الناحية الهندسية (وانا هنا بتكلم في تخصصي) ... السبب ببساطة هو زيادة سعة سد النهضة التخزينية من ١٤ مليار الى ٧٤ مليار م٣ .. حجم المياه المهول ده حينتج عنه اطماء رهيب سيؤثر على عمر وكفاءة السد .. المصمم الايطالي طبعا فاهم البديهيات دي فعمل فتحات تصريف المياه في اعلى السد ... وحيعمل ٣ سدود قبله تشيل جزء كبير من الاطماء بخلاف هدفها الاساسي كسدود تخزين للمياه اللى ناويين يبيعوها كما اعلنوا ده علنا برضه .. بخلاف توليد الكهرباء (٤ جيجاوات من السدود التلاتة الجديدة) .. يعني فوائد متعددة ومعلنه للعالم كله.
= مش عاوزك تتفاجأ ان مواقع الاربع سدود متحددة بدقة في الدراسة اللي عملها مكتب استصلاح الأراضي الأمريكي من سنة ١٩٥٩ ومسح كل مسارات الانهار باثيوبيا .. تم تسليم الدراسة للحكومة الاثيوبية سنة ١٩٦٤ كما في الصور المرفقة .
= في سبتمبر ١٩٨٠ انتهت وزارة الري المصرية من دراسة تفصيلية عن تاثير انشاء هذه الاربعة سدود علينا وعلى السودان اثناء الانشاء وبعد التشغيل .. الدراسة متاحة الان للمتخصصين ولن اناقشها بالطبع على صفحات الفيسبوك.
= المياه اللى حتتحجز هي ٧٤ مليار م٣ مياه موجودين بالفعل الآن في بحيرة سد النهضة + ١٥٠ مليار للسدود الثلاث المزمع انشاءهم + حوالي ١٥ مليار للفقد سواء بالبخر او التسرب في الفوالق والتشققات الارضية . . يعني بنتكلم في حدود ٢٤٠ الى ٢٦٠ مليار م٣ مياه ودي تقريبا قد حصتنا السنوية لمده خمس سنوات كاملة ..
= اثيوبيا مش محتاجة كميات المياه الرهيبة المحجوزة دي للري لانها بتعتمد على الامطار (١٠٠٠ مليار م٣) .. الهدف كما اعلنوه بنفسهم هو بيع المياه .. ايوة ده قالوه بنفسهم امام مؤتمر الامم المتحدة للمياه سنة ٢٠٢٣ (ده بترولنا السطحي اللى من حقنا نبيعه) .. والاهم من فلوس البيع هو التحكم في قراراتك الاستراتيجية لانه بيتحكم في المياه اللى هي حياتك حرفيا. مش محتاجة ذكاء تعرف مين اللى ورا كل ده وعاوز يتحكم في مصر ..
= هو ده المخطط اللى بيتنفذ حاليا وخلصوا خلاص اول سد واعلنوا عن عزمهم البدء في التلاتة التانيين واحنا لسه بنتفاوض ... النهاردة وزارة الخارجية المصرية كتر خيرها بعتت جواب لمجلس الامن اللى هو نفسه رفض مناقشة القضية قبل كده لان السيسي وقع اتفاقية المبادئ اللى سمحت لهم يبنوا السد.
= دي شهادتي وتحذيري ... اللهم بلغت .. اللهم فاشهد.
2
-2
