= تغيير صورة العرب امام العالم من شيخ مبعجر بعقال عايش فى خيمة وبيجر وراه كام خيمة متجوزهم وفى الخلقية برميل بترول ... الى دول متطورة وحديثة .. بصوا على اى استديو تحليلى فى اى قناة عالمية حتلاقوا الخلفية الاسكاى لاين بتاع الدوحة.

= تغيير الصورة النمطية عن العرب اننا كسالى ومستحيل ننظم او نبدع زى الغرب ... لقينا تنظيم مثالى بدون غلطة واحدة بمعنى الكلمة .. اعظم من كل الدورات السابقة .. رغم حضور 90 الف مشجع ماتش الارجنتين والمكسيك.

= قامت قناة NBC الامريكية بعمل تقرير كامل عن الامن والامان فى شوارع الدوحة ... عن طريق مراسلين متخفيين .. وطلعوا ان شوارع الدوحة أكثر امانا من اى مدينة اوربية او امريكية .. وفى الاخر قال المراسل لم تحدث حالة تحرش او سرقة واحدة برغم وجود مئات الالاف المشجعين من كل دول العالم.

= الاهم من كل ده ... هو التأكيد على اننا امه عربية واحدة مهما تناحر الحكام وقال العملاء ... احنا عرب ايوة عرب .. كلنا رقصنا لما السعودية كسبت الارجنتين وكلنا شجعناها بجنون امام بولندا وصرخنا لما ضربة الجزاء ضاعت ... نفس ما فعلناه مع تونس والمغرب .. كلنا حلمنا دلوقتى ان تصل فرقة عربية الى الدور الجاي مش مهم اسمها المهم انها عربية. 

= التأكيد على ثوابت الامه .. من رفض كل الشعوب العربية التعامل مع المراسلين الاسرائيلين بمجرد معرفة هويتهم ده باعترافهم نفسهم .. مش مهم تطبيع الحكام ... الاهم ثوابت الامه. 

= دوما تبقى الشعوب صادقة فى مشاعرها .. سنظل اخوة حتى لو اتخانقنا معا فدى خناقة اخوات جوة بيت واحد .. وفورا نتحد ضد اى غريب حتى لو فى ماتش كورة .. اه طبعا زعلان عشان مصر مش موجودة فى المونديال ده .. بس قلوبنا مع كل اخواتنا العرب .. اسيبكم بقى دلوقتى واروح اشجع المغرب.