هو درس من تاريخنا ... ولكنى مش حرجع بالتاريخ لوراء قوي ... حاقف عند تاريخنا المعاصر .. مع انه درس متكرر من الالاف السنين ...
= ايام الملك كان رجال السلطة بيطلق عليهم "الباشاوات واصحاب العصمة" وكان بيستعبدوا الغلابة حرفيا ... بعد 23 يوليو اتقبض عليهم واتصادرت اموالهم واصبح اسمهم "رجال العهد البائد"
= ايام عبد الناصر كان بيطلق على رجال الثورة "الاطهار والشرفاء" دول بقى اشاعوا الخوف والرعب ... بعد تولى السادات السلطة حاولوا يزاحموه على السلطة فاعتقلهم السادات وبقى اسمهم "مراكز القوى وزوار الفجر"
= ايام السادات كانت الفترة الذهبية "لرجال الاعمال" ولم يقترب منهم احد رغم ان رائحة فسادهم كانت تزكم الانوف .. بدا مبارك عهده بالتطهير من "القطط السمان" بل اعتقل اغلبهم المدعى الاشتراكي بقانون "من اين لك هذا" ..
= اخر ايام مبارك وصل "كبار المستثمرين" للحكم واستهتروا بكل منافسيهم بنظرية "خليهم يتسلوا احنا معانا الثروة والسلطة". بعد احداث يناير اعتقل الاخوان كل رموز حكم مبارك بما فيهم مبارك وانجاله وبقى اسمهم "الفلول".
= ايام الاخوان سيطر الاخوان على كل مفاصل الحكم وقالوا "احنا بتوع ربنا وقاعدين 500 سنة". ولكن بعد سنة واحدة فقط تم اعتقال كل قياداتهم والباقى هرب وبقى اسمهم "التنظيم الارهابي".
= لا احد يدوم مهما فعل .. وبرضو لا احد يتعظ.
2
-2
