طب يا مرتضى .. انا حوافقك ان الاهلي جاب الساحر "بحه" عشان يقدر يكسب الزمالك .. ممكن تفسر لنا ليه الزمالك اتهزم ٨ مرات حتى الان فى الدوري؟ طب ليه الزمالك بقاله ٢٠ سنة لم يكسب بطولة افريقيا؟ ..
= بص يا مرتضى الزمالك فريق عظيم وعريق عمره ١١٢ سنة بس بتحكمه حاليا ادارة فاشلة وصلت لمرحلة الهرتلة والخرف ..
= مشكلة الزمالك مش المدرب ... مرتضى عزل ٣٣ مدرب هل يعقل ان كلهم فشلة ولا هو اللى فاشل؟؟ .. انا شايف ان فى الزمالك احرف لعيبة فى مصر ولكنهم بيلعبوا بلا حماس لانهم بيتشتموا على الهوا من مرتضى .. جمهور الزمالك الوفي بيستحمل ما لا يستحمله بشر ودوما ورا فريقهم .. حتى مذيعين قناة الزمالك بيخافوا من تهزيق مرتضى لهم على الهوا .. بزعم انه مسنود.
= بلاش يا مرتضى قصص وحجج الظلم الحكومي .. لان اغلب المسئولين عن الرياضة حاليا زملكاوية .. هما اللى سمحوا لك تفتح العضويات المضروبة للمنتفعين اللى بتحتاج لاصواتهم كل جمعية عمومية .. هما اللى سايبينك تبرطع في النادي رغم صدور احكام قضائية نهائية بعزلك تماما.
= مشكلة الزمالك باختصار هى مرتضى منصور .. هو فاكر انه فوق القانون وبيوهم السذج انه الدكر اللى بدونه لن يصبح للزمالك درع وسيف ..
= لا احد يتمنى انهيار الزمالك حتى اشد الاهلاوية تعصبا .. لان ده تاني اكبر نادي فى العالم العربي .. (بدون الاهلي والزمالك معا مفيش كورة فى مصر) ومن الاخر لن نسمح ابدا ان يتم بيع الزمالك لواحد خليجي .. الحل بسيط طبقوا القانون .. نقوا العضويات المضروبة (وبالفعل ده فعلته لجان وزارة الرياضة قبل كده) ثم اعقدوا انتخابات جمعية عمومية ليأتي مجلس من ابناء الزمالك المحترمين والمخلصين.
2
-2
