= رسالة للرئيس السيسي =

تحية طيبة وبعد ..

= تابعت يا ريس دعوتك للشعب بالاهتمام بالبرمجة وقلت انها ممكن توصل الدخل الشهري لمائة الف دولار وضربت مثلا بدولة مجاورة وكنت تقصد اسرائيل .. 

= بالطبع كلنا نتفق مع دعوتك يا ريس .. وهذا بالفعل ما فعلته اسرائيل كانت اجمالي ميزانيتها في ٢٠٢٣ هي ٤٨٤ مليار شيكل خصصت منهم ٧٧ مليار للتعليم بنسبة ١٦% .. وزاد هذا المبلغ الي ٨٢ مليار شيكل في ٢٠٢٤.

= طبعا يا ريس حضرتك عارف ان ميزانية الامن في اسرائيل في ٢٠٢٣ كانت ٦٣ مليار شيكل وهي اقل من ميزانية التعليم (٧٧ مليار شيكل) رغم كل التحديات الامنية الحادثة هناك .. لان التعليم هو الامن الحقيقي وهو المستقبل.

= وطبعا لا يخفى على سيادتكم ان اكبر ميزانية للتعليم في مصر كانت ١٦٠ مليار جنية (بنسبة ٢.٥% فقط من اجمالى ميزانية ٦٤٠٠ مليار جنية) ودول بيتصرفوا على ١١٠ مليون نسمة .. في حين اسرائيل خصصت ٨٢ مليار شيكل (١٠٦٦ مليار جنية) للانفاق على تعليم ٩.٥ مليون نسمة فقط.

= ده معناه ان متوسط انفاق اسرائيل على تعليم الفرد (١١٢٠٠٠ جنية) يساوى تقريبا ٧٧ مرة متوسط انفاق مصر على تعليم الفرد (١٤٥٤ جنية) .. مع العلم ان اغلب الرقم المصري بيتصرف مرتبات رمزية للمدرسين !! نفس الشئ بالنسبة للصحة والبحث العلمي.

= لم تنهض ابدا اى دولة الا بتخصيص جزء كبير من ميزانيتها للتعليم والصحة ... اليابان والمانيا فى الخمسينات .. الصين وكل دول جنوب شرق اسيا فى الستينات .. الهند والفلبين والدول الاسكندنافية فى السبعينات .. سنغافورة وماليزيا واسرائيل وايرلندا فى الثمانينات .. تركيا والبرازيل ونيوزلاندا فى التسعينات .. وحاليا اثيوبيا ورواندا وبنجلاديش ..

= مفيش طريق تاني سوى تخصيص ما لا يقل من 12% من الميزانية للتعليم و 8% للصحة لمدة 10 سنوات على الاقل ... هذة النسبة ستحدث فارق رهيب فى التعليم والصحة لان المخصصات الحالية اغلبها لسد الاجور وعمل انشاءات ... بينما الزيادة ستخصص لتطوير التعليم والصحة. 

= تحياتي لسيادتك .. حمى الله مصر وشعبها ..