لو مش متابع اللى بيحصل فى باكستان .. خد المختصر .. باكستان دى الدولة المسلمة الوحيدة النووية .. وعدد سكانها ضعفنا ومكانها استراتيجى جدا لامريكا لانها تجاور ايران والصين وافغانستان فكانت دوما تابعة لامريكا.
= عمران خان رئيس وزراء باكستان الحالي بيحاول يخرج من التبعية الأمريكية .. فقرر يزرع كل اكله ويشجع التصنيع والتصدير .. اهتم بالتعليم .. اوقف اية قروض دولية .. فرض ضرائب على كبار المستثمرين ورفع الضرائب نهائيا عن الطبقة الوسطى .. وقف مع المضطهدين فى كشمير وبورما ... والاخطر انه اتحدي سطوة جنرالات الجيش الباكستاني بل طالب بمحاكمتهم والتحقيق فى ثرواتهم المهولة ...
= فمنطقي جدا ان امريكا حتبقى ضد الراجل ده .. بس مشكلتها ان الراجل ده له شعبية جارفة لانه اصلا لاعب كريكيت دولي .. وكان عضو برلمان ٢٠ سنة يعنى لعيب سياسة. من حب الناس له ان الحزب اللى اسسه سنة ١٩٩٦ (حركة الانصاف) بقت تضم حاليا ١٠ مليون باكستاني واكتسحت اخر انتخابات برلمانية سنة ٢٠١٨ فبقى هو رئيس الوزراء فى انتخابات حرة نزيهة .. وانهى سيطرة اكبر حزبين كارتونيين ..
= تقوم امريكا تشجع المعارضة ورجالتها يعملوا جلسة سحب ثقة فى البرلمان ضد عمران واتحدد لها ميعاد النهاردة .. وكانت كل التوقعات بتقول انهم حيشيلوه وممكن يحاكموه كمان ..
= بس عمران خان راجل مكمل تعليمه (ده خريج أكسفورد اعرق جامعة فى العالم ) .. فيقلب الطرابيزة عليهم قبيل جلسة البرلمان بساعات وينشر جواب رسمي بعتته وزارة الخارجية الأمريكيه للسفارة الباكستانية فى واشنطن تذكر فيه رسميا (لو استمر عمران خان فى الحكم ستواجه باكستان صعوبات كبيرة) .. طبعا الجواب ده احرج وكشف كل عملاء امريكا فى البرلمان .. فقرر البرلمان الغاء جلسة التصويت من نص ساعة بس ..
= لم يكتف عمران بذلك بل خرج يطالب بعمل انتخابات برلمانية مبكرة لانه عارف ان الشارع الباكستانى كله معاه حاليا ..
= التطور الغريب .. ان قائد الجيش الباكستانى عمل لقاء كامل عشان يهاجم روسيا انها غزت اوكرانيا .. فى مغازلة صريحة لامريكا وقال "علاقات الجيش الباكستانى بامريكا علاقات استراتيجية وممتازة ونسعى لتطويرها" .. فى حين اعلن عمران خان حياد بلاده فى قضية اوكرانيا حتى لا يخسر روسيا والصين .. ده الفرق بين السياسي الوطني المكمل تعليمه والعميل الغبي.
= توقعاتي الشخصية حدوث انقلاب عسكري فى باكستان او اغتيال عمران خان ... عموما سنرى ..
2
-2
