من حقي ان احلم ... من حقي اتمنى ان المغرب تفوز بكاس العالم ... مش عشان المغرب عرب ومسلمين زينا وبس ... ولكن تعالوا نحسبها بالورقة والقلم كمان ... معلش ده طبع المهندسين .. كله بالحساب .. تعالوا نقارن المغرب ببقية الفرق اللى وصلت لنص النهائي :

= المغرب لم يهزم اطلاقا فى الخمس ماتشات اللى لعبهم فى الكاس (فرنسا اتغلبت من تونس - كرواتيا لم تستطيع هزيمة المغرب فى دور المجموعات - الارجنتين اتغلبت من السعودية). يعنى هزيمة الفرق دي مش مستحيلة بل ممكنة جدا.  

= لدى المغرب اقوى دفاع وحارس مرمي ... فى الخمس ماتشات دخل فى المغرب جول واحد فقط (بنيران صديقة من نايف أكرد فى ماتش كندا) ... بينما دخل فى كل من فرنسا والارجنتين 5 أجوال ودخل فى كرواتيا 3 أجوال.

= مدرب المغرب مدرب تكتيكى وبيغير خطط اللعب كل ماتش .. بخلاف الثلاث مدربين الاخرين اللى كلنا خلاص حفظنا طريقتهم.

= لدى المغرب ميزة رهيبة وهى الجمهور العربي (كل الجنسيات العربية فى قطر والقطريين حيزحفوا على الملعب يشجعوا المغرب بجنون) لانهم بيشجعوا فريقهم العربي يعنى كأنهم بيلعبوا كاس العالم فى المغرب.

= ممكن يكون حلم ... اه اعتبروني بحلم ... بس كل حاجة عظيمة بدأت بحلم ... ربنا يوفقهم ..