ملعب ريال مدريد بعد التجديد .. تم تطويره باستخدام احدث تكنولوجيا فى العالم.. زودوا سعة الملعب من ٨١ الى ٨٥ الف متفرج .. عملوا سقف متحرك .. حتى ارض الملعب بقت بتتطبق عشان لا تبوظ اثناء اقامة الحفلات .. عملوا نظام تكييف وتدفئة للاستاد بالكامل .. حطوا شاشات عملاقة ذكية .. وكمان طوروا متحف النادي.
عملية التطوير دى اتكلفت حوالي مليار يورو ... بس تخيل ان الناس دي كانوا عاملين دراسات جدوى مش نظام الحاج سعيد .. فكانوا قبل ما يبدأوا التطوير موقعين عقود من اربع سنين مع شركتي Sixth Street و Legends لرعاية وتشغيل الاستاد بعد التطوير على ان يدفعوا للنادي ٤٠٠ مليون يورو سنويا لمده ٢٥ سنة .. يعنى العائد للنادي ١٠ مليار يورو.
= تاني متنساش ان تطوير النادي اتكلف مليار يورو مكنش اصلا عند النادي .. فقام النادي اخد قرض ٥٠٠ مليون يورو علي مدة ٣٠ سنه بفايده ٢.٥ % فقط و هيبدأ يسدد اول قسط من الفلوس اللى حياخدها من الشركتين اللى اتعاقد معاهم .. يعنى اول قسط مع افتتاح الملعب يوم ٢٣ ديسمبر الجاي .. والاروع انهم بعد ما امتلكوا احدث استاد في العالم راحوا جددوا عقود الرعايه مع طيران الامارات وشركة اديدس بمليارات اخرى فلكية .. يعني كسبوا عشرات المليارات من غير ما يصرفوا اي حاجة من جيبهم.
= الادارة علم وفن مش بلطجة ونهب .. بالعلم ممكن تطور وبرضه تكسب مليارات.
2
-2
