= انا معنديش اي اعتراض على وصف الاردنيين لملكهم بسيدنا ! دى بلدهم وده حاكمهم ... هما احرار (هما مش احرار اوى الصراحة ان جيتم للحق).

= وبرضة معنديش اى اعتراض على كمية غطيان الكازوزة اللى معلقها ملك الباندورة على صدره (يمكن كسبها في اشرس معارك البلاستيشن ولا اقتحامات السينما الهندية المضحكة اللى كان بيعملها مع ابنه ضد خيالات مآتة).

= وبرضة لا احمله نهائيا ذنب خيانات جده في ١٩٤٨ ولا ابوه في ١٩٧٣ اللى كلنا عارفينها واللي فضحهم الصهاينه بنفسهم .. لا تزر وازرة وزر اخرى.

= ومش معترض برضة على تنفيذ الاجهزة الامنية الاردنية نفس السيناريو العبيط اللى اتهرس ديشليون مرة في كل الدول المتخلفة .. انك تطلع كل موظفين الحكومة وعمال المصانع وطلاب المدارس عشان يهتفوا بالامر للبطل المغوار الذى انقذ الامة.

= انا سؤالي بسيط جدا (ايه الانجاز اللى عمله ملك الاردن عشان يطلعوا له الشعب يستقبله استقبال الابطال؟) بعد عودته من أمريكا و لقاءه لترامب. بجد محتاج حد يفهمني ايه العمل البطولي اللى عمله ؟!! بتكلم جد؟ حد يعرف؟