معلش اقرا للاخر عشان تفهم الكارثة

= كلنا عارفين محاولات اثيوبيا للتخلص من حصتي مصر والسودان في مياة النيل .. المهم انها سنة ١٩٩٩ جمعت دول المنبع وعملوا اتفاقية عنتيبي التى لا تعترف باي حصة لمصر والسودان .. 

= الشرط الوحيد لتطبيق الاتفاقية (حسب المادة ٤٣ منها) كان بعد تصديق ٦ دول عليها بمده ستين يوم .. خمس دول صدقت عليها فورا وهي إثيوبيا ورواندا وتنزانيا وأوغندا و بوروندي.. وتبقى تصديق دولة سادسة عشان الاتفاقيه تتطبق. 

= احنا كمصر فاهمين ده كويس وكنا بنبعت كل سنة وزير الري المصري دولة جنوب السودان يعمل لهم شوية مشاريع .. ونساعد بقية دول المنبع بشوية مشاريع برضة. استمر الحال ده ١٢ سنة والدنيا ماشية.

= يوم ٢٦ يوليو اللى فات فجأة قام برلمان دولة جنوب السودان بالتصديق على اتفاقية عنتيبي .. 

= قبلها بشهرين وافقت شركة اماراتية اسمها (مشاريع حمد بن خليفة) على إقراض جنوب السودان 13 مليار دولار !!! المبلغ ده ضعف ميزانية جنوب السودان اصلا.

= والعجيب ان القرض ده لن يردوه فلوس بل مقابل النفط .. يعنى يصدروا لهم نفط مقابل الاقساط .. وطبعا تصدير النفط بتاع جنوب السودان واقف لانها بتصدر عن طريق خط انابيب يمر بالسودان .. والحرب شغالة في السودان.

= والاعجب ان مدة القرض ٣٠ سنة .. ومتوقع اصلا نضوب النفط نهائيا في جنوب السودان كمان ١٩ سنة يعنى ده مش قرض بل رشوة !!

= بالمناسبة .. شركة مشاريع حمد بن خليفة HBK DOP هي الشركة اللى تقدمت لشراء حصة 49 % في نادي بيتار القدس لكرة القدم في ٢٠٢١ ولكن اتحاد كرة القدم الإسرائيلي رفض العرض بعد ان طلب مصدر ثروة الشيخ خليفة واتهمه انه مجرد واجهة!

= وبالمناسبة برضه نفس الشركة دي تربطها اتفاقيات شراكة وقعت في ٢٠٢٠ مع العديد من رجال الأعمال الإسرائيليين كلهم كانوا منتسبين سابقين في الوحدة 8200 وهي الفرع التكنولوجي من المخابرات العسكرية الاسرائيلية امان. واخر مشاريعهم المشتركة هي تطوير حلول الأمن السيبراني في دولة الإمارات العربية المتحدة.

= خد بقى التقيلة ... اثيوبيا وقعت مع جنوب السودان اتفاقية لعمل خط انابيب يمر بالاراضي الاثيوبية لتصدير النفط عبر ميناء مزمع اقامته في دولة شمال الصومال (بديلا عن خط السودان) .. مش محتاج اقولك عن اسم الممول اللى وافق يعطى لهم قرض مبدئي ٨٩٤ مليون دولار ...