= الصبح لازم تنزل بوستات عن جمال القهوة وانها سر العبقرية

 

= لا ترد على الكومنتات فانت عميق مش معقول حترد عليهم 

 

= استخدم الفاظ فخيمة ضخيمة مجعلصة فى بوستاتك خليك عمرو حمزاوي 

 

= دايما شكك فى الحقائق حتى لو قالوا ان ابوك اتجوز امك .. شكك في دى كمان

 

= عيش جو المؤامرة. كل حاجة مؤامرة ولو مش خارجية تبقى داخلية .. ولو مش داخلية تبقى سرية وكده

 

= استعمل علامة الهاشتاج كتير # .. قال يعنى كلماتك حتكون مرجع لينا مثلا 

 

= اهم كلمتين لازم تكتبهم فى كل بوستاتك "دعونا نفهم حقيقة ما جرى" و "الحقيقة غير ذلك" و "دعونا نفكر فى الامر برمته"

 

= يا سلام لو تحشر اسم فيلسوف فى وسط البوست .. وياسلام لو اسم فيلسوف موزمبيقي محدش يعرفه.

 

= عارف لو كتبت كام كلمة بالانجليزى كمان حتبقى عميق قوووي بقى.

 

= كل يومين نزل بوست هدد الناس انك حتحذف اللى ميتابعش بوستاتك العبقرية.

 

= كل ثلاثة ايام نزل بوست عن حاجة مهمة خطيرة حتحصل وانك اول واحد بيحذر منها .. ايوه قول كده "حاجة مهمة خطيرة حتحصل" وبس.

 

= اهم حاجة تنهى بوستاتك بكلمة "خواطر" واكتب اسمك بعدها .. او انسبها لاسمك حاجة كده زى "خالديات"