طائفة البهرة .. من هم ؟

لو حضرتك فاكر ان البهرة دول ناس طيبين بيصرفوا مليارات لتجديد المساجد لوجه الله .. ارجوك اقرا الحقائق الاتية:

 طائفة البهرة دول طائفة شيعية كانوا موجودين في مصر إيام الفاطميين .. وكانوا اول ناس هربوا لما انتصر صلاح الدين الأيوبي (من ٨٥٠ سنة تقريبا) .. راحوا كلهم الاول اليمن ثم استقروا فى الهند. وظل حلم العودة للقاهرة الفاطمية غايتهم حتى الان (لا تنسى هذه النقطة من فضلك).

= اصدرت دار الافتاء المصرية الفتوى رقم 680732 بتاريخ 18 فبراير 2014 أن طائفة البهرة فرقة خارجة عن الإسلام، وحكمهم في التعاملات نفس حكم المشركين في عدم جواز أكل ذبائحهم، وعدم جواز الزواج من نسائهم. كذلك اصدرت اللجنة الدائمة للفتوى بالسعودية فتوى رقم 2289 بانهم خارجون تماما عن الاسلام.

= سبب الفتاوى دي ببساطة شديدة معتقداتهم الغريبة جدا .. دول بيعتقدوا بألوهية أئمتهم فيصلون كما يصلي المسلمون ولكنهم يقولون إن صلاتهم للإمام الإسماعيلي الطيب بن الآمر !! وبيحللوا الربا وبيعتبروا الكعبة هي رمز للإمام على فيزوروها !! وبيعتقدوا أن الأئمة الثلاثة " أبو بكر وعمر وعثمان " مغتصبون الخلافة من علي بن أبي طالب .. وان جميع أئمتهم ينحدرون من سلالة الإمام علي بن أبي طالب وهم معصومون من الخطأ .. وفى صلاتهم يتوجهوا الى قبر طاهر الدين المدفون في مدينة بومباي في الهند ويطلقون عليه اسم "الروضة الطاهرة .. ولا يصلون سوى في العشرة أيام الأولى من شهر محرم، وفي غيرها لا تجب عليهم الصلاة، ولا يصلون إلا في مكان خاص بهم يسمى – الجامع خانة – وإذا لم يذهب الشخص منهم إلى الجامع خانة في العشرة أيام الأولى من محرم يطرد من الطائفة ويفرض عليه الحرمان. .. ويقدسون كتاب اخر مع القرآن هو "النصيحه" تاليف طاهر سيف الدين سلطانهم الاسبق.

= اول محاولة منهم للعودة لمصر كان لقاء سلطانهم السابق محمد برهان الدين بعبد الناصر 1966 .. ودوما تكون الحجة استعدادهم لترميم المساجد بسخاء .. (والتى دوما تكون مساجد القاهرة الفاطمية فقط واللى مرتبطة بتاريخ الشيعة فقط) .. حيث رمموا الجامع الأقمر وترميم الجامع الجيوشي وترميم وإعادة بناء مسجد اللؤلؤة وبناء ضريح السيدة زينب ومقصورة السيدة رقية. .. كرروا نفس القصة مع السادات 1980 ورمموا الجامع الأنور وهو اكبر المساجد الفاطمية .. ثم مع مبارك مرتين ...

= وطبعا كرروا نفس القصة مع السيسي .. حيث التقى سلطان البهرة مرات عديدة .. ولكنه المرة دي لم يكتف سلطان البهرة بترميم المساجد الفاطمية فقط بل تبرع بعشرة مليون جنية لصندوق تحيا مصر !!!

= السؤال المنطقي هو ... ايه المقابل اللى اخدوه ؟ ولماذا يفعلون ذلك ؟؟؟ .. فاكرين فى اول فقرة فى البوست لما قلت لك حلمهم العودة لمصر .. ده اللى بيحققوه بالفعل بمنتهى النجاح والخبث .. فى الخمسينات لم يكن فى مصر اى واحد منهم (صفر بمعنى الكلمة) ... طب دلوقتى عددهم كام ؟ فى تقديراتهم ان عددهم هو الف واحد مقيم بصفة دائمة فى القاهرة الفاطمية بجوار المساجد اللى رمموها بخلاف الالاف اللى بيجوا مصر لمده قصيرة من سنتين الى اربع سنين .. بخلاف حوالى 15 الف واحد بيحضر الاعياد بتاعتهم كل سنة فى مصر وده عدد كبير جدا لان كل عدد البهرة فى العالم لا يتجاوز المليون !!

= خد بالك ان اعيادهم مختلفة عن اعياد المسلمين .. عندهم عيدين .. عيد (غدير خم ده يوم 18 ذي الحجة) وعيد (التعزية يوم 10 محرم) .. وحاليا بيحتفلوا بالعيدين دول فى المساجد اللى رمموها فى مصر !! اللى بيحتفل هما الالف مقيم فى مصر ومعاهم الالاف اللى بيجوا من الهند ... عرفتوا هما بيرمموا المساجد ليه ؟؟

تنويه : 

( بعض فقرات البوست منقولة من عدة مصادر محفوظة حقوق ملكيتهم)