= اللى حصل في سنترال رمسيس ده جرس انذار في منتهى الخطورة لمن يدرك (او لمن بيحب البلد) .. يجب من الان دراسة حماية نظامنا الرقمي وتلافي كل نقاط الضعف به نفس الشئ ينطبق على كل شبكات المرافق والقناطر والسدود والطرق والمطارات وغيرها .. لان عدونا اكيد دارسها جيدا ...  

= ارجوكم ارجوكم ارجوكم اتركوا هذه الدراسة للمتخصصين مرة واحدة بلاش اهل الثقة اللى بيتحشروا عافية في كل حاجة واي حاجة الا شغلهم الاصلي والنتيجة انتوا شايفينها في كل المجالات..  

= احنا عندنا خبراء وعلماء حقيقيين .. جزء بسيط منهم هو اللى بيشغل البنية التحتية والبنية الرقمية المتطورة عننا بمراحل في اغلب دول الخليج .. والمئات منهم لسه هنا في الجامعات ومراكز الابحاث .. استعينوا بيهم دى ناس متعلمة ودارسة ومتخصصة ومطلعة على اخر ما وصل اليه العلم .. كفاية سياسة "تمام يا فندم" .. كفاية ندور على حجج زى الاخوان والمؤامرات الكونية .. بجد كفاية .. ربنا يستر على البلد.