ارسل لي كذا صديق يسألني على الخاص (لماذا لم اعلق على الحرب الإسرائيلية الإيرانية؟) .. جاوبته على الخاص ولتكرار السؤال في الكومنتات انا حكرر الاجابة هنا في بوست منفصل :
= انا لا املك اي معلومة مؤكدة زيادة عن البيانات اللي بيذيعها الطرفين واللى كلكم بتسمعوها فلا معنى من تكرارها ..
= هناك اصلا حالة رهيبة من التكتيم والتضليل الاعلامي خاصة من اسرائيل اللى مانعة التصوير تماما واى فيديو حقيقي بيترفع على اليوتيوب او الفيس بيتشال فورا .. يعني اغلب الفيديوهات والصور اللى بتتشير دي اما مقصود نشرها لغرض دعائي (وبالطبع لن اساهم في ده) او مضروبة (اغلبها معموله بالذكاء الاصطناعي وللاسف نشرها الكثير وفقدوا مصداقيتهم معها).
= مش مطلوب مني اني اعلق على كل حدث او تصريح لان مستحيل ابقى عارف كل شئ !!! ساعتها حكون اما بهبد او بنقل تحليلات لاخرين او عاوز شوية لايكات ... ودي اكبر عيب في وسائل التواصل الاجتماعي وبتفقد المصداقية تماما.
= الحاجة الوحيدة اللى ممكن اقولها عن الحرب دي اننا لازم ندرسها كويس جدا ... فهي خليط من حرب سيبرانية وعمليات استخباراتية وقصف جراحي (من جانب إسرائيل) وده نفس اللي شوفناه في الضربة الاوكرانية لمطارات روسيا وعملية البيجرات ضد حزب الله ... وفي المقابل ندرس كيفية استخدام ايران الامثل للسلاح الوحيد المتاح لها (الصواريخ) في ظروف السيادة الجوية الكاملة لسلاح الجو الإسرائيلي ووجود ثلاث طبقات من احدث اسلحة الدفاع الجوي في اسرائيل ..
= اكرر ... في دروس كثير لازم نتعلمها من الحرب دي .. وكتير منكم اتكلم عنها بالفعل زى تطهير البلد من الجواسيس الكامنة .. وتطوير الحماية السيبرانية .. وضرورة تصنيع سلاحنا الرادع بنفسنا وخصوصا المسيرات والصواريخ لانها اللى بتحسم الحروب الحديثة .. وغيرها الكثير من الدروس اللى اكيد المتخصصين بيدرسوها حاليا .. باختصار دي نموذج لحروب المستقبل اللى حنواجها.
2
-2
