= ايوة الخليج دفع مساعدات بس ليه؟
= هل حبا في الانسانية ولا عشان مصالحهم ؟ طب ما هما بيقتلوا عشرات الالاف من اليمنيين المسالمين قصفا وجوعا ومرضا. طب لماذا لا يتبرعوا للصومال وجيبوتي وسوريا ولبنان المسلمين العرب الفقراء جدا.
= طب ليه لم تساعدنا الامارات والكويت والسعودية في السنة بتاعه الاخوان؟ وكانت ساعتها قطر وتركيا بس اللى بيساعدوا الاخوان؟
= القصة باختصار ومن الاخر هي مساعدة دول الخليج لنظام الحكم المصري اللي يحقق مصالحهم. ده ينطبق على مساعدة السعودية والامارات للسيسي. ومساعدة قطر للاخوان .. انسوا خالص قصة انهم بيساعدوا الشعب المصري.
= وساعة ما ترفض تحقق مصالحهم تقطع ارامكو شحنات البترول.
= مش من مصلحة كل دول الخليج قيام اى نظام ديمقراطي فى مصر لانه حيكون نموذج لشعوبهم اللى حيسألوهم فين ثرواتنا وحقوقنا وحريتنا ..
= نحن اغلب الشعب لم نستفيد من مساعدات الخليج بل استفاد منها النظام والمجموعة المنتفعة الملتصقة بالنظام فى مشاريعهم.
= مصر دولة غنية جدا جدا بس منهوبة ولسنا بحاجة الى اى مساعدات او قروض لو تم الاستفادة من مواردنا المنهوبة والغير مستغلة.
= وللاسف تكونت حاليا صورة ذهنية عند الشعوب الخليجية على الخصوص وكل العالم اننا شحاتين ونصابين وبندور على الرز .. مع ان الحقيقة اننا اغنياء بس منهوبين ومقهوريين تحت قوة السلاح.
= والكارثة ان الخلايجة الان لم يعدوا يدفعوا مساعدات للنظام الحاكم بل بقوا يشتروا اصول البلد الناجحة بابخس الأسعار وساعات ببلاش (المشتري الخليجي اللى اشترى شيبرد ب ٥٠٠ مليون جنية كان اخد قرض من سنة من البنك الاهلي بمليار جنية يعنى اشتراه بفلوسنا وكسب)
= فبلاش قصة انهم ساعدونا وكده .. هما ساعدوا من يحمى مصالحهم .. من اجل هذا كله نطالب بالديموقراطية وحكم مدني يمكننا ان نحاسب النظام الحاكم .. ماذا فعل فى مواردنا واين ذهبت المساعدات وكيف تدمرت صورة مصر. .. وهذا حتما سيحدث وقريبا ان شاءالله..
2
-2
