= اسوأ من انجبت مصر هم اللى بيتهموا الشعب المصري بالكسل او التواكل حتى يبرروا الفشل والنهب ... وخاصة اللى بيتهموا شبابنا انهم مش بتوع شغل وانهم جيل بايظ.
= ابناء الشعب العظيم ده هما اللى بيشتغلوا نار فى كل أوربا وامريكا وبينجحوا هناك وبيحققوا معجزات .. هما برضوا اللى بنوا كل دول الخليج .. بس تحت ادارة مختلفة.
= هما نفس الشباب اللى بيشتغل نار فى شركات الغاز والبترول والاتصالات والبنوك والاعلان واى مؤسسة خاصة ناجحة هنا فى مصر .. ولا ينتج اى شغل فى الحكومة !! ... انها الادارة !!
= محمد علي قدر يعمل امبراطورية عظمى من ابناء الشعب ده فى 12 سنة لما اهتم بالتعليم والتصنيع والزراعة .. وقبله قطز وصلاح الدين وكتير عملوا معجزات بالشعب ده فى اوقات قياسية ..
= مسألتش نفسك ليه المصري بيحترم قانون المرور برة مصر فى حين ان كل الاجانب بيكسروا الاشارات هنا فى مصر .. لانها مشكلة ادارة وتطبيق القانون على الكل وليست سلوكيات شعوب !!
= الشعب اللى عايش فى كوريا الجنوبية هما نفس الشعب اللى عايش فى كوريا الشمالية (وكانوا شعب واحد لالاف السنوات لغاية الحرب) .. ولكن الفرق الوحيد هو وجود ادارة ديكتاتورية فى شمال كوريا لا هم لها سوى تمجيد الحاكم ... بعكس وجود حكم مدني ديموقراطي فى جنوب كوريا يعمل من اجل شعبه اللى انتخبه .. فكانت النتيجة ان متوسط دخل المواطن الكوري الجنوبي اصبح 28 مرة متوسط دخل المواطن الكوري الشمالى اللى بيموت من الجوع حرفيا بينما اعلامه بيخبره ان دولته اصبحت اكبر دولة فى العالم بسبب توجيهات الزعيم القائد !!!
= نفس القصة .... كان الالمان اللى فى المانيا الشرقية متخلفين عن نفس الالمان اللى عايشين في الشطر الغربي ب 40 سنة بسبب ادارتهم المتخلفة عن الحكم الديموقراطى المدنى الحر فى المانيا الغربية .. ولكن بعد 10 سنوات من الوحدة بقوا الاتنين زي بعض بالضبط والشعب اللى كان فى الشرق اصبح بيشتغل ويبدع زى اللى كان فى الغرب
= نفس قصة الصين وهونج كونج ... شعب الصين وسنغافورة وماليزيا والامارات وغيرها كانت اسوأ شعوب الارض من النظام والانتاج ... تغيير الادارة خلاهم من اكثر شعوب العالم نظاما وانتاجا خلال 10 سنوات فقط ... كلمة السر هى الادارة والارادة مش حجج كسل الشعب ولا زيادة السكان ولا اى حجج خايبة ... وصلت ؟
2
-2
