= كان الفنانين بتوعك قمم زي عبد الوهاب وام كلثوم وعبد الحليم اصبحوا حمو بيكا وشاكوش.

 

= كان الممثلين بتوعك قمم زي فاتن حمامة وعمر الشريف والمليجي بقى عندك نمبر زفت ! ففقدت قوتك الناعمة فى العالم العربي بل اصبحت سوق للمسلسلات التركية!

 

= تخيل وسط ١٠٠ مليون لا يوجد اى فيلسوف نهائي من بعد رحيل زكى نجيب محفوظ.

 

= فى الكورة كنت بتغلب اثيوبيا ٨ بالرأفة وكوريا ١٠ صفر بقيت تشيل منهم بالاربعة وبالرأفة!

 

= اختفى المفكرين المبدعين اللى زى العقاد والحكيم وطه حسين.

 

= اخر مؤلف مسلسلات محترم عندك كان اسامة انور عكاشة. 

 

= مفيش عندك رسام واحد معروف او مؤلف موسيقى موهوب (حتى عمر خيرت توقف عن ابداع اى جديد من سنوات) .. حتى بتوع الكاريكاتير انتهوا من بعد جاهين.

 

= بعد ما كانت الريادة للاعلام المصري اللى كان بيتسمع من المحيط للخليج .. اصبح اعلام السامسونج اللى لا يسمعه المصريين اصلا .. واصبحت قنوات الجزيرة والعربية وسكاى نيوز القنوات العربية اللى بتتسمع فى كل العالم.

 

= وفى السياسة بعد ما كان عندك احزاب وسياسيين قبل ١٩٥٢ ... انتهت السياسة فى مصر واصبح كلهم سكرتارية للريس .. ليس هناك سياسي واحد الآن فى مصر كلها.

 

= حتي خمسينات القرن الماضي كانت مصر وجهة هجرة الاوربيين للعمل بها .. الان اصبح حلم كل شاب ان يهاجر من مصر. . بعد ما كان الباسبور المصري يدخلك اغلب دول العالم بدون تأشيرة اصلا .. اصبح الحصول على تأشيرة اوربية او امريكية على باسبور مصري من اصعب ما يمكن.

 

= بعد ما كان الجنية المصري اغلى من الجنية الدهب .. اصبح الريال بخمسة جنية. .. واقتصادنا اصبح جباية من الداخل وديون من الخارج.

 

= بعد ما كانت مصر هى مركز الشرق والعرب والكل يينتظر كلمتها. تتنافس الان السعودية والامارات وقطر فى كل القضايا الاقليمية .. بايدن جاى يوم ١٥ يوليو السعودية وحيلموا له كل امراء الخليج وقادة مصر والعراق والاردن يجتمع بيهم فى الرياض هناك زى ما عمل ترامب من كام سنة. وبعدها حيطلع على اسرائيل برضه.

 

= دور مصر غائب تماما فى كل القضايا الاقليمية زى سورية واليمن والعراق ولبنان وغزة .. وكلها صراعات بين القوى الاقليمية المؤثرة السعودية والامارات وتركيا وايران.

 

= حتى فى اهم قضية وجودية تهدد مصر ... اثيوبيا انتهت من ٨٨% من السد وبتستعد للملو التالت بعد اتمام الملو الاول والتانى بكل اريحية.

 

= ولكنها دوما مصر التى تمرض ولا تموت. وستعود عفية اقرب مما يتصورون.