بص يا سيات اللواء محافظ سوهاج ...
= الدكتورة اللى انت تهجمت عليها في مستشفى المراغة دى اصلا دكتورة نساء وتوليد وحاطينها في الطوارئ لان مفيش دكاترة ... اغلب الدكاترة المصريين بيهاجروا دلوقتى انجلترا والمانيا وامريكا بسبب نظامك اللى دمر البلد .. انت عارف ان اهانة موظف عمومي اثناء تأدية عمله دى جريمة؟
= كيف تلومها انها طلبت من اهل المريض ان حد يقطع تذكرة دخول طبعا لانك مش عارف ان ده القانون ولو انها معملتش كده هى لازم تتحاكم .. مش عيب إنك تتعلم وتعرف ان نظام المستشفيات ان الدواء بيتكتب اصلا على ظهر التذكرة (الاورنيك).. انت عارف ان اللى انت عملته دى جريمة تحريض على اهدار المال العام؟
= احنا اتعودنا ان كل محافظ جديد يقوم يعمل هجمة على المستشفى الاميري ويجيب كام مصور يصوره عشان يتلمع .. طب انت عارف ان من مايو ٢٠٢٠ اتمنع التصوير جوة المستشفيات الا بأذن مسبق من وزارة الصحة بسبب الحركة القديمة اوى دي؟؟
= لأ وكمان سيات اللواء طلب من مرافقينه انهم يعلقوا محاليل لمريض !!! انت عارف ان دى جريمة انتحال صفة طبيب؟؟ تخيل ان المريض جرى له حاجة بعد الشر بسبب العلاج اللى انت واصفه له حيكون ايه الموقف؟!!!
= هل تعلم يا سيات اللواء ان الفضيحة بقت عالمية لدرجة ان CNN وكبرى صحف العالم كتبوا عنها ... بس مكتبوش انك شاطر لا كتبوا كلام يزعلك ويزعل اللى مشغلك. .. حاول كده تجيب حد متعلم بيعرف لغات وخليه يعمل سيرش باى لغة اجنبية وشوف العالم بيقول ايه علينا بسببك.
= انت عارف يا سيات اللواء ان بسبب الفضيحة العالمية اضطر رئيس الوزراء يعتذر للدكتورة علنا ...
2
-2
