= اولا : مشروع المنطقة الاقتصادية لقناة السويس من شركة مواني ابوظبي ده ملوش اى علاقة بقناة السويس ... دى منطقة صناعية شرق بورسعيد حتبقى حق انتفاع لخمسين سنة ومصر حتاخد ١٥% من الايراد. فالموضوع ملوش علاقة نهائي بالقناة.

= ثانيا وده الاهم اللى حتضخه شركة مواني ابوظبي في المرحلة الاولي من المشروع هو ١٢٠ مليون دولار فقط ثم تفتح باب البيع لقطع الاراضي الصناعية وتلم فلوس من المستثمرين وترجع فلوسها وتشتغل بفلوس المستثمرين ... هل احنا كمصريين سواء دولة او قطاع خاص مش عارفيين نعمل ده ؟؟

= طب لو قلت لك ان نفس الشركة الاماراتية دي استحوذت في اخر سنتين على اغلب الشركات البحرية المصرية مثل "ترانسمار" و"TCI" و"سفينة بي.في" ... وبرضو وقعت نفس عقود امتيازات طويلة الأجل لتطوير وتشغيل محطات سياحية في موانئ البحر الأحمر سفاجا، الغردقة، العين السخنة وكمان شرم الشيخ. بالإضافة ان نفس الشركة المعجزة تتولى بناء وتشغيل ميناء متعدد الأغراض في سفاجا، وكمان محطة للسيارات (Ro-Ro) في العين السخنة.

= شركة مواني ابوظبي دي واحدة من مجموعة شركات ابوظبي القابضة ADQ بتاعة طحنون بن زايد وده اهم واخطر شخص في الامارات ... رسميا هو مستشار الامن القومي للامارات ونائب حاكم ابوظبي .. ولكنه يرأس اهم الشركات في الامارات زى IHC الشركة العالمية القابضة وFAB بنك ابوظبي الاول وشركة G42 بتاعة الحوسبة والذكاء الصناعي ومجموعة “رويال جروب” اللي بتدير استثمارات بمليارات الدولارات كما أنه يدير “Trust International Group”، المسئولة عن شراء الأسلحة وتمويل الميليشيات المسلحة في ليبيا واليمن والسودان. انا ذكرت اسماء الشركات دي لانك حتلاقيها هي نفس الشركات اللى بتشتري كل حاجة في مصر .. هما اللى اشتروا المستشفيات والصيدليات والبنوك والاراضي و راس الحكمة و المواني وقريبا حيشتروا المطارات.

= طحنون بن زايد هو مهندس العلاقات السرية بين الإمارات وإسرائيل، حيث أشرف بنفسه على برامج المراقبة الإلكترونية والتجسس بالتعاون مع تل أبيب عبر مشروع “عين الصقر” الذي يُستخدم لمراقبة المواطنين داخل الإمارات.

= دى الصورة الكاملة للي بيحصل ..