= فات زمن البكاء على اللبن المسكوب .. واضح ان الديون المتراكمة علينا اصبحت عبء رهيب .. ورايحين نستلف تانى من الصندوق الدولى وعمالين نبيع ممتلكات الشعب الناجحة للاجانب .. وفى تمهيد دلوقتى لبيع ممتلكات اخرى ناجحة بخلاف اللى أتباعت الاسبوع اللي فات.
= طب هل حنقعد نكرر الكلام عن السياسات الخاطئة اللي اهدرت مئات المليارات؟ في كباري وعاصمة ادارية وقطار المصايف ومؤتمرات وقصور وكلها مشاريع غير منتجة .. ولم نبني مصانع او مزارع (مشاريع منتجة) ودى طبعا النتيجة اللى الكل حذر منها.
= طب ايه الحل دلوقتي؟ انا بقترح حل لانقاذ ما يمكن انقاذه .. بدل ما نبيع ممتلكات الشعب الناجحة للاجانب وننزل فى نفس الوقت شهادات بفايدة ١٨% للشعب عشان نلم شوية فلوس .. طب ما نطرح الممتلكات الناجحة دي كاسهم للشعب يشتريها ويكسب ... على الاقل الشعب اولى من (الخواجة اللى بيشتري باسم الخلايجة وكلنا عارفينه انه عدونا التاريخي) اللى جاي يشتري ممتلكات الشعب بارخص الأثمان مقابل حماية اشخاص معينة .. دى ممتلكات الشعب مش النظام الحاكم و الشعب وحده صاحب القرار والحق.
= الم يكن من الافضل طرح حصة الدولة فى CIB و فوري و شركة ابو قير للاسمدة كاسهم للشعب وكلها مشاريع ناجحة بتكسب اكتر من ١٨%؟
= ولو الخواجة عاوز يستثمر اهلا بيه يعمل مشاريع جديدة ده احنا نشجعه كمان ونقدم له تسهيلات كبيرة زى ما هو عاوز .. لكن مرفوض ان يجي يشتري اكتر مشاريع ناجحة فى البلد برخص التراب وفجأة وسرا !!!
= ردا على اللى بيقول احنا محتاجين دولارات من بره .. بوتين حول روسيا من دوله مفلسة الي دولة عندها فائض مئات مليارات الدولارات لما حول كل شركات القطاع العام الي شركات مساهمة وطنية joint stock companies .. باسهم ابناء الشعب الروسي فقط .. النهاردة روسيا بتصدر ب ٦٠٠ مليار دولار (ضعف وارداتها) .. ولما الغرب اراد معاقبتها بسحب استثماراته منها ملقاش غير ماكدونالدز وستار باكس !!!
2
-2
