جلست وعيونها على الباب تنتظر كل ماحولها ابيض الاسره الحيطان الستائر الارضيه كله ابيض والدها فى فراشه وحوله كميه الخراطيم والمحاليل

وكأنها تستعد لعمليه جراحيه واستئصال قلبها و احاسيسها ومشاعرها واحلامها وكأنه الفشل الذى حققته وهى التى دائما كانت تحرز الانتصارات وتحمل الالقاب وحيده وهى التى كانت دائما محور الاصدقاء والاصحاب

اتفتح الباب واحست بالنهايه دق قلبها ليست دقات الحب والامل والفرحه ولكنها دقات التى تسبق المصارعه كانه الحانوتى ودقاااااته فى المصارعه هى دى الدقات

اتفتح الباب ودخلت الممرضه بورود وزهور ملونه ولكنها راتها بلون واحد

دخل طبيب والدها وصديق عمره وعمها ودخل قدرها مبتسم منتصركعادته هادىء

عقدت يديها وخبئتها ودفنت وجهها فى صدر ابيها ولامسها براسه لايقوى على تحريك ذراعيه

عمها يهمس فى اذنها

انتى محسسانا اننا بنعذبك كده مش صح

رفعت راسها وجلست معتدله اخذ يديها والبسها الحلقه المفرغه ودخلت الدائره فى اصبعها ودفنت وجهها تثانيه فى صدر ابيها ولبس هو حلقته فى يده

مش صعب زى ما افتكرت كل حاجه خلصت بسرعه اسرع ما كانت تتصور

اصحى بقى يابابا انا محتاجه لك اوووووووووووووووووى

هى دى الكلمات اللى كانت بترددها

وهى دى اللى كانت عاوزه باباها يسمعها ويستجيب ليها

الكل خرج من الحجره وتركوها فى حضن ابيها تهمس له وتكلمه ويبتسم لها وراح فى نوم عميق

وقفت فى شرفه الحجره

اول مره تاخد بالها ان فيه مدافن فى المكان ده شافت لا مش

ايه ده جنب المستشفى ازاى

معقول

وكأنه هو المنظر نهايه اليوم

ودفن ..........................

.... ودفن احلامه

ـــــــــــــــــــــــــــــــــــــــــــــــــــــــــــــــــــــــــــــــــــــا

كان زمان الحب منك كان زمان كان زمان مدت ايديك بالحنان قلبى انا كان كله ليك كان زمان صدقنى قلبى انا عمره ماخان كان بيلمح اى نظره حب فى عنيك تبان

فاجأته طعنه ايديك واللى كان فجأه كان الغدر منك كان جنان تحكم وعند وغدر وحرب خنقتنى وحسستنى بضعف وهوان

ا يومها قلبى حلف راح ينسى حبك والضعف والهوان ابعد عنى بغدرك م المكان صدقنى حبك اللى بتسميه حب كان ميدان كان معارك بس من النوع العنيف كان هرم طوبه تحكم طوبه امتلاك وطوبه زيف

كان الم راح ينهى ع قلبى الضعيف

كان شجن والم والحزن عندك اصله كيف

كان نيرانه تلتهم قلبى الرضعيف كان معاول بتهدنى وتهد من حولى كل حبيب

ورجعت باسم حبك

وانتصرت حبك مخيف حبك حياه منها بيطلع الف موت بحر وغريق مالهوش امان مالهوش شطوط ولا ح اقدر انى فيه اعوم ولا فيه ح افوت

واكيد هاموت .حبك ده موت حبك ده

موت