في احلامها

سرعان ماتحولت صداقتهم لحب اصبحا معا فى الكليه فى النادى فى الشباك فى السطوح فى اى مكان تذهب اليه يكون هو هناك وفى كل مكان يذهب اليه تكون هناك باتفاق مسبق

اصبح الطعام والهواء والماء كل شىء بأذن بينهم مسبق

اصبحا لا ينفصلان كيان واحد

كل اللى يشوفهم يقول انهم شبه بعض وهو مفيش شبه اصلا

هو اسمر وطويل رياضى وعيونه سود جميله وهى بيضاااااااااااااااااءشعرها اصفر قصيره تشبه ديانا سبنسرفى الشكل

بس الحب خلى فيه شبه جااااامد مفيش حد يسألنى ازاى

فى كل مكان كانوا ممحل احترام وتقدير حبهم اتولد فى النور

وافق الاب بسهوله ورحبت الام بفرحه من الجانبين كل شىء فى يدهم وبمنتهى السهوله هيسكنوا فى شقه فى نفس العماره الموجود فيها الاسرتين

وكله بيساعد ويشطب فى الشقه كل الدنيا حاسه بحبهم وشايفه عيونهم واشتياقهم

كل مكان راحوا فيه كتب اسمه واسمها على كل شجره فى الشلالات على كل كل حائط وطاوله وكرسى فى النادى ومدخل العماره وعلى السلم

ليه كده

انا عاوز كل مكان يفكرك بيا مش تنسينى ثانيه

هههههههههههههههههه عمرى ماهنساك

هنفضل عمرنا كله سوا

عمرنا كله

فى النادى كل البنات تقرب منهم وتضحك معاهم وتسيبهم بسرعه لهمسهم وضحكهم نادى على صديقتها قال لها صورينى انا و................

اداها الموبايل بتاعه

صور ه والتانيه والتالته كل صوره بيبص فيها مش يبص للكاميرا وكأنه بيشبع منها

صورتهم شاور لها كمان

فى ثانيه حصل صياح وصراخ طفل بيغرق فى النادى فى ثانيه كان فى قاع حمام السباحه نزل وكله خرج وهو مش خرج ولا الطفل الغريق

فيه ايه

حبيبى

الطفل لامس كهربا لمسها فى نفس المكان

ده كلام قالوه بعد ايام وليالى اسباب بس هو مااااااااااااااااااااااااااااااااات رااااااااااااااااااااااااااااااح

ومن يومها وهى بتشوف كل مكان واسمه محفور مع اسمها كل مكان شايفاااه دايما دايما

حتى فى احلامها بتشوفه وتكلمه وهو يخرج له من كفنه الابيض زى اخر مره شافته فيها وباسته