ضوء الشمس

صحت من نومها متأخره على جرس الموبايل واكتر من رساله

قومى ياكسلانه منتظرينك فى البيوتى سنتر....... مش تغيبى

يابنتى ردى كان نفسى اسمع صوتك

طمنيني عليكى لما تصحى

حبيبى اوعى تنسى تجيبى معاكى الجيبونه والبوكيه

انتى فين ردى

كده هنتاخر تعالى بسرعه كلنا هنا فى البيوتى ..........

البنت اللى بتشتغل عند والدتها من امبارح وهتيجى النهارده

صلت وقرات قران لمامتها كالعاده

حضرت فطارخفيف جدا وشوب شااااااااااااااااااااااااااااااى كبيروقعدت تفطر فى البلكونه

ايه ده تاااااااااااااااااااااااانى الصبح وهى قايمه برده كان الشعاع ده على وجهها وفى كل اركان الاوده ازاى ده

مش مصدقه نفسها

حد بيعكس ضوء الشمس بمرايه او ايه ده عمرها ما حصلت

مين ده

رن الموبايل فوقها من تعجبها

ياللا ياستى

انتى فين انا فى البيت

ياخبر

اتأخرنا انا هاسبقك

حاضر انا نازله

خدت شاور وخرجت تلبس ولسه الضوء بينعكس على جدران الاوده

غريبه الحكايه دى محصلتش لى ولا فى ثانوى حتى

جيراننا من سبعين سنه هما هما واولادهم وكلنا عارفين بعض

من كتر السنين وبفضل البوابين والشغالين والشغالات بيجيبوا حتى اخبار الناس اللى بعيد

لبست وسرحت شعرها ولمته كله لفوق وكالعاده فضلت تدور على مفتاح البيت اكتر من عشر دقايق

اخدت كيس كبير وراحت للدولاب تختار فستان يليق بفرح صاحبتها الانتيم اختارت الفستان والاكسسوار

ياااااااااااااااا

رجعت تانى للدولاب افتكرت حاجات وحطتها فى الكيس

مع الفستان....ااخدت مفاتيحها ونضارتها حطيتها على شعرها رفعت بيها شعرها من على وشها

نزلت

يوووووووووووووووو

افتكرت الموبايل رجعت تانى وفتحت الباب واخدت موبايله وقبل ما تقفل الباب راحت فتحت اوده مامتها وبعنيها نظره سريعه شافت كل حاجه ودمعه سخنه سريعه برده

نزلت ومشت بسرعه لانها اتاخرت جدا على هند صاحبتها النهارده فرحها وكان مفروض تكون معاها من بدرى

والكل سبقها على مركز التجميل

دخلت الأجزاخانه تغير على جرح فى ايديها وتغير السفرتول

خلصت بسرعه وخرجت بتحاول توصل بسرعه بينها وبينهم شارعين

سمعت حد بينادى عليها التفتت لقت شاب صغير بيبتسم لها

اهلا قالتها بتعجب لانه ناداها باسم مش حد يعرفه غير المقربين وكمان ده عمرها ماشافته مين ده

اهلا بيكى انا تامر

تيمو

اهلا

ساكن قصادكم

ازاى احنا مش فيه حد قصادنا

فين انا اول مره اشوفك

انتى مش بتشوفى حد اصلا انتى مغروره

ليه كده

بتتكلم وهى ماشيه مستعجله

وهو بيحاول يلحقها تانى

انت تعرفنى

انا شفتك فى فرح مصطفى ابن عمتو ناديه

ااااااااااااااااااااااااااااااااه

انت اللى كنت بالمرايا .............

لا بالساعه

اها

انتى مجروحه

اه

الف سلامه

طنط ناديه بتقول انك مخطوبه

اه

فين دبلتك

بانساها

ع ال ..............حوض

وبتلاقيها

تصور

انا بادرس اقتصاد وعلوم سياسيه سنه اولى

حلوه الكليه

رايح تانيه

اها

كنت عاوز اتفرج ع اسكندريه

ممكن طبعا ابيه عاطف مشترك فى النادى روح هناك واسال عن هانيا والا ايمى وهما هيفهموك تعمل ايه ومواعيد

انتى مركبتيش عربيتك ليه

لان مشوارى قريب ومش هاحتاجها

تامر انا وصلت كده

ممكن موبايلك

ليه ماخدتوش من طنط ناديه

تامر طنط ناديه قالت لك انا فى سنه كام وعندى كام سنه

قالت لى بس انا معجب بيكى وكمان السن مش مشكله

خلعت نضارتها من على عنيها ورفعتها على شعرها تانى

ياااه عيونك جميله لون ميه البحر والسما

تامر

انا وصلت

ونزلت اول سلمه وهو واقف

استدارت تيمو احنا بقينا اصحاب

وقبل ما يتكلم

بس لما تنادينى تقول انسه ...............