كل اللي عدوا عليا في حياتي من أشخاص مفيش شخص فيهم ساب علامة أو كان فارق معايا بعاده الا الأشخاص اللي عرفت تحتويني ، اللي غيرت مسار مشكلة كبيرة في ثانية
أنها مش فارقة
ان كل صعب بيعدي وانك لازم تحافظ علي الوقت اللطيف لآخره
منسبش دقيقة تعدي منه
إن أي عمل حتي لو شاق إذا وصلت لنصفه فأنت تقدر تخلصه
وان المرض علوا درجات ومكانه عند ربنا مش عقاب
اتعلمت أن الاحتواء اهم شئ في الدنيا
وان الشخص اللي بيفهم ويستحمل تقلبات ويعيد صياغة الجمل اللي مش مترتبة اللي بتصدر منك بدون قصد وأنه فهمك من غير ما تفضل تشرح وتعيد وتزيد من نظرة عينيك ويقولك في وسط الضحك الكتير اللي انت بتمثل بيه إنك كويس ... مالك !!!!؟
تحس أنه بيحضنك بكلامه ويقولك عمري ما هفهمك غلط او هشك فيك أنا فاهمك ....!!