خارج الخدمة

في البداية بتكون قادر تسمع .. تتكلم ...تطمن 

لكن مع مرور الوقت فأنت محتاج لحاجه اكبر من كده 

بتكون محتاج إثبات، إثبات انك غالي او محبوب او ميقدروش يستغنوا عنك 

لكن لو سيبت الوقت يتسرسب منك والفجوة تزيد مترجعش لنفس النقطة وتبص علي مكانك علشان مش هتعرف ترجعه 

المكان يا انشغل ياما اصبح غير متاح 

والعلاقة اصبحت خارج الخدمة ...

كل شيء قابل للتلف، له مدة صلاحية، حسابات نفسية مينفعش نتفاوض عليها ..

لو هتحسبها حسبة بسيطة، فانت مش هتسيب حد يهمك زعلان منك وقت طويل هتروح وراه وتفهمه مش هتسيبه لدماغه تسوحه ويفضل يضرب اخماس في اسداس 

مش هتستحمل تسيبه متحير ، مخنوق او تعبان من كتر استنتاج ملهوش اساس من الصحة 

مش هتستحمل بعده عنك، او انه يشوفك ويدور وشه وانت عارف ومتأكد إنك انت السبب ..

فجوة الزمن أكبر نافق للعلاقات وهتخليك خارج الخدمة ...