اقفل الباب الموارب ...!!!

الباب الموارب لازم يتقفل ...!!
متديش لشخص اذاك بقصد فرصة تانية..!!
متخلقش لهم اعذار من دماغك ..
صدق حدثك، إحساسك ديماً صح حتي لو غير منطقي ..
أعرف حبيبك من عدوك في الأزمات..!!
اللي واقف جمبك في المرض اقف جانبه وقت الصحة ..
الازمات النفسية اهم من الازمات المادية صاحب اللي يدعمك نفسياً .
اللي يفضي من وقته علشان يكلمك وهو مشغول غير اللي يكلمك وهو فاضي ...
المحبه بتبان في العيون والحقد والغل بيبانوا متغالطش نفسك ..
مفيش حاجه اسمها بهزر علشان الهزار جزء م الحقيقة واللي مش عارفين يقولوه وقت الجد بيرموه في وقت الهزار ...
الناس اللي بتلسن بكلام وتضرب تحت الحزام علشان ميتمسكش عليهم غلطة ميتعاشروش ...
أعرف صاحبك بعد ما تتعامل معاه في فلوس او مصلحة غير كده متسمهوش صاحب ....
الصاحب ساحب نقي أصحابك....
عشرة العمر مش سبب منطقي تتحمل بيه سخافتهم حتي لو اتقال عليك بياع العشرة وقليل الاصل بيداروا بيها علي تصرفاتهم....
القرايب عقارب جملة ضحكوا عليك بيها، قرايبك في النهاية مش هتهون عليهم ...
ان جالك الطوفان حط ولدك تحت رجليك اتقالت من شخص جبان متصدقوش ....
مفيش حاجه اسمها عيش وملح، الاكل ده جوع مش أكتر من كده...
مفيش حاجه اسمها اول حب وحب العمر السئ سئ والجدع جدع واللي بيضيعك مرة من غير قصد هيضيعك الف مرة بعدها بس بقصد ...
بيبانوا من الاول انهم وحشين بس احنا اللي بنغمي عنينا علشان عاوزين نكمل ....
أنت مش بديل لحد، أنت تستاهل تمييز ...
الكبير كبير عقل وتصرفات مش كبير عمر بلاش يضحكوا عليك....
خلي الذكريات مكانها في جانب عقلك ترجع لها علشان تغير مودك بس مش اكتر من كده اقفل علي نفسك بيبان الوهم ...
متديش سرك لحد ، ولا خططك المستقبلية خلي شمعتك تقيد ..
سطح علاقتك بالناس كلها تسلم ...