بسرعة كده ..
اسمها "علوم الدين" .. ، الدين علم زي الفيزياء و الكيمياء و "الماث" علي رأي مارية بنتي ..
يعني انا لو قلت ان المعادن تنكمش بالحرارة ، مش المفترض ان يقام عليا الحد يعني .. ، او انه يتم سحب شهاداتي مني ... او اتعرض لأهانة متعددة الطوابق ! .. ،
كل ما هنالك ، واحد تاني اكثر تخصصا او تبحرا او قاري كلمتين زيادة عني .. يطلع كده بدون ما عروقه تكون طاقه علي آخرها .. و يقولي يا دكتور .. المعادن بتتمدد بالحرارة و تنكمش بالبروره .. طبقا للمرجع كذا و كذا و كذا .. فلو سمحت لو عندك مرجع تاني عكس مرجع البروره بتاعنا تطرحه للنقاش ..
مش لازم يعني يطلع استاذ البتنجانولوجي في جامعة مصر هي أمي.. يقولي يا جاهل يا اخرق .. هو انت ما درستش فيزيا قبل كده يا حيلتها .. هو انت اعمي البصر و البصيره يا جدع انت .. انت عاوز تودي اجيالنا في داهيه و تعلمهم غلط و تقنعهم ان المعادن بتنكمش بالحرارة يا خااين .. حرارة ما تلسعك يا بعيد .. 
الدين يا جماعه الخير .. علم بردو .. ربنا اللي قال علي الفاهمين في الدين انهم علماء.. .. يبقي بنفس الكونسبت .. ممكن بكل ادب و احترام للمقامات .. نتناقش عادي .. نقاش علمي طبيعي .. ، بدون ما العروق تتنفخ .. و تحزق ( الحزق هيقرفنا اكتر من معلومتك الصح علي فكرة 
)
)و متقلقش يا حبيبي علي الدين ..، الدين محفوظ و القرآن محفوظ .. ، احنا بس كل قلقنا انك لم تحزق اوي كده و تشتم و انت بتناقش حتي لو انت بتقول درر .. الحزق ممكن يسبب تلوث شديد في الهواء .. و هيأذي مناخير كل مستمع فينا .. و ده ما لا يمكن تحمله في الايام البيضه اللي احنا فيها .. فلو سمحت .. براحه و متحزقش ..
محمد خلاف خليفة عسكر
حنان كمال السيد أحمد الهواري
د. نهى فؤاد محمد رشاد
آمال محمد صالح احمد
مي ابراهيم محمد القاضي
د. راقية جلال محمد الدويك
نشوه عبدالحميد السيد أبوالوفا
عبير عبد الرحيم عبد الحميد السيد
علا محمد ابو السعادات
د. نهله عبد الحكم احمد عبد الباقي 
زينب حمدي 
د. عبد الوهاب المتولي بدر 
حنان صلاح الدين محمد أبو العنين 
ياسر محمود سلمي 
د. شيماء أحمد عمارة 
م. اشرف عبد الصبور الكرم 
1
-3
