موقعة الطوبة الإيرانية

مشهد (1) : 

= بتعيط ليه يا وااد يا أخضر انت 

- الولد الازرق كسر لعبتي اهئ اهئ 

= و ناوي تعمل ايه ؟ 

- عاوز اضربه جامد جامد 

= و هل انت تقدر تضرب الولد الازرق ؟؟! .. ده ابوه الراجل الاحمر هينفخك .. 

- طب أعمل ايه أعمل ايه .. هيبتي ضاعت وسط "عيال" المنطقة .. 

= سيبني اكلملك ابوه و نشوف هنعمل ايه 

مشهد (2): 

= السلام عليكم يا راجل يا أحمر ، الواد الازرق ابنك كسر لعبة الواد الاخضر .. و بيعيط جامد 

- ابني الواد الازرق يعمل اللي عاوزه و يكسر لعبة اي حد ، براحته و طز في اي حد يتشددله .. 

= طبعا طبعا يا أحمر بيه .. بس الواد الاخضر ممكن يعمل شوية نوش و مشاكل 

- هننفخه عادي 

= طيب ايه رايك ندخل - بموافقتك طبعا و رعايتك - و نخليه يعمل اي رد فعل يشيل الاحراج اللي واقع فيه قدام العيال و بردو نتجنب انه يعمل رد فعل متهور يعورلك ابنك الازرق ربنا يجحمه قصدي يخليه لينا خازوق مغري 

- مفيش مانع .. 

مشهد (3)

= يا واد يا أخضر أبشر .. ، هخليك تاخد حقك من الواد الازرق عشان كسر لعبتك 

- ازاي ازاي .. ؟؟؟

= بص يا سيدي ... انت هتمسك الطوبة دي .. و هتتصل بيه و هتقوله انك الساعه خمسه جاي ترمي عليه الطوبة دي ..و بلغه ياخد ساتر .. 

- و انا بقه .. اضحك عليه و ارمي الطوبه الساعه اربعه في دماغه علي طول و اخد حقي .. صح كده ؟؟! 

= لا طبعا ... انت عبيط و هتودينا في داهية كده .. طول ما انت بتفكر بالطريقة البتنجانية .. ابوه الراجل الاحمر هينفخك و ينفخني .. 

- طب انا ازاي هاخد حقي ، و الطوبه مش هتيجي فيه ، و كمان اقوله علي معاد الضربه ؟؟!  

= مين قال كده ، الناس كلها هتشوفك و انت واقف ماسك الطوبه ، و هتشوف الطوبه طايره في الهوا .. 

- لكن الناس كلها شافت لعبتي المكسوره و مشافتش دماغه المبطوحة .. ؟!! 

= معلش .. ، متزعلش نفسك .. ، يا اما كده ، يا اما الراجل الاحمر و ابنه الازرق هييجو يكسرولك مخازن اللعب بتاعتك ، و انت هتقلع ملط ساعتها .. و ايامك هتكون بتنجان مقلي ..

- لو حصل كده .. عيال المنطقة هيدافعوا عني 

= مش بقولك عبيط .. ، يا ابني العيال لا يعول عليهم .. 

- طب شوفلي حد كده من معارفك راجل نعتمد عليه .. 

= ممم راجل .. راجل .... مممم .. ممكن اكلمك فيفي عبده .. 

مشهد (4) : 

= راضي كده يا سيدنا الشيخ الراجل الاحمر 

- لا مش راضي .. انت اخليت بالاتفاق 

= ليه بس يا كبير .. 

- احنا متفقين ان الواد الاخضر يرمي طوبه واحده بس الساعه خمسه علي الجنينه اللي جنب جنينة بيت ابني الواد الازرق .. ، افاجئ انه رمي طوبتين ، واحده فيهم خبطت في سور البيت .. ينفع كده .. ؟؟؟؟

= معلش يا كبيرنا طيش شباب .. 

- عموما انا هحاول اهدي ابني الازرق عشان هو زعلان خالص و بيفكر يروح يدي علقة سخنة للواد الاخضر تاني .. 

= حاول تسيطر عليه يا كبيرنا .. ، و الطوبه الزياده احنا بنعتذر عنها بأشد عبارات الاعتذار .. و خازوقكم فينا هو نور عنينا .. و لو مدخلش فينا .. نقوله فينك يا خازوق لو سمحت ادخل فينا .. احنا بيك مستمتعين بخرمك فينا 

ملاحظة : 

الولد الازرق اسمه اسرائيل 

الولد الاحمر اسمه امريكا 

و الولد الاخضر اسمه ايران