جيت احاسب من ظلمني

بصيت لاقيته مظلوم

رجع قلبي من تاني المني

ودبحني بموس متلوم

وضميري صحي وكلمني

قال لوم علي نفسك ماتلوم

ووو

اهل الحب يا معشوقي

حبيبتي يا سيده نفيسه

سيدي الرفاعى ويا دسوقي

سيده زينب يا رئيسه

ياشمس غروبى وشروقي

انتم مددي وامدادي

غي حبكم قلبي بيرتاح

يا عترة كل اجدادي

انتم وسلالة ال بيتكم

انتو الاهل البتدادي

محشور يا رب ف زمرتكم

يا كل فؤادي وودادي

كلمات /حجازى يونس

ووو

وبكوا بالعين ناحوا له

وغير ع الزين ما تنوح

والموت ما عينه حوله

والا ماكنش مات نوح

ووو

كفاياك برم القواييل

وهزاركً مع العواييل 

الراجل لو مش رجروج  

لو ياكل تبن الطواويل

ولا يسمحلك بالروج

ووو

بالخير عندهم روحنا

ليه بالشر يا ناس شرونا

وبعد ما طلعوا روحنا

رجعوا قال ايه شارونا

ووو

يا حمام ستوته عشعش ع التوته 

بين الصفصاف 

ماعرفتش ايه آخر المطاف 

بعد ما خطفنت قلبي بخطاف

ناديت يا دكاكني بالكاف والنون

هات لي وقي ع النوته

يا حمام ستوته عشعش ع التوته

والمشمش طاب وانا م الاحباب

جيت جري قوام سنين واعوام

بين مستحيل والجو ضباب 

اه يا الالطاف 

فين الشجر ولا صاحب العش اللي هجر

شاف قلبي طاف لما انفجر قلبك حجر

ياما ناس منحوسه وياما ناس مبخوته

ويا حمام ستوته عشعش ع التوته

ووو

وبحق من فوقينا

فوق سابع سماء رب

كل واحد فينا

واضح انه له مئرب

ووو