القلم نزل من سطره

الظالم هو اللي زعلان

والمظلوم يجبر خاطره

وعجبت لك يا زمان

***

من هو اهل الإحترام ابدا لا يحرم

من هو غير جدير له بقسط منه أن يكرم

ما زال يوجد من اهل الكرم مغرم

***

إحنا شعب جميل

شعب عواطفي بشكل

شاربين من مية النيل

والفكاهه بدل الاكل

***

فى ناس تكرهك خالص

ولما يلاقوك نجيت

يخلوك توالس

وترجع تحبك خالص

تفتكر حالهم انصلح؟ 

لا ابدا خالص

ده عشان يموتوك خالص

***

صور لا روح ولا معنى

ولا ينفع فيها تبني

واللي خلانا لمعنا

ماهوش قمحك ده تبنى

***

احلامنا ف سيسان الحيطان

وكل شويه عليها نتلفت

دابت كما وبر الخيطات

وتعابين عليها اتلفت

حلم الشيطان للغيطان

والكوابيس زادت ما خفت

لابد مانصلي ونقرا قران

ونترك دنيا علينا ياما جفت

***

يا ابو الهموم جاي لمين تشكيله

عندي من كل لون عندك تشكيله

تقول عندى طن اقولك فى من عندى حتي ماجاش كيله

***

صور تخدع اصول

تضلك عن الصواب

وسواسهم ياجى مرسول

يمنعك عن الجواب

***

 اياك يا دمع العين من الفسوسه

تخاف ولا حتى تنزل

ده فيهم م الدود مية الف سوسه

***

ويا ابو دوده لابد ما تنزل

 جاموس الهم ياما حلبناه

ومين فين عاد القي رايب

والبيت يا محلا بناه

بس اكلوا ارضه القرايب

***

بلد وفيها اللي قال قول

يا معزه قاعد لك ف قرونك

هايجيلك فيها يوم قلقول

لحد ما تخلص جرونك

***

اللى بيضه واللى سوده

ولسه ياما يا عصام أسرى

الذاى كراسى الاسوده

قعدت عليها السماسره

***

حب الناس كما من صلاته وأصله

لا فيها وسايط ولا حتي مواصله

ما هو بينك وبين كل اللي مواصله

اسلاك ما بينكم كما ينابيع واصله

صلي عليه بقدر الشفيع

وراسله

***

ف الشرق عالم بلا احساس

والحرب البارده بالفايز

الذاى يا عالم بلح صاص

محسوب علينا بالفايظ

***

ان جالك ظلم النفوس

لجلك او لجل الفلوس

خدوا باستمتاع وملذه 

ماحنا شعب يحب الدوس

يلاقيه ساكت يستبزه

***

نظرت لبهو الاساطين

وصدقت بالله وآمنت؟

عالم مخلوق م الأسى طين

الا انت من حديد وأسمنت

بندعى وللايادي باسطين

وعجل القربين سمنت

ولا فم الا ما باس طين

والظاهر للطين ادمنت

***

كاس الصبر كاس

درناه ف كاس الهنا ما اندار

والحزن عبي اكياس

كاس الصبر عقله ما اندار

من كتر ماهو اتقاس

***

في ناس دايما تدوخ

علي التعريض ومسح الجوخ

واللي ما سحتهوش

تلاقي سكلها بيبوخ

ناس تلف لحد ما تدوخ

وال ماسحتش الجوخ

يحسوا مالهومش وضع

شكلهم بيبوخ

***

 ياللي اخدت ونكرت برى

الكرم يا بني ده وضعى

ويا نفسى عليهم بري

يكرهوا طيبتى وتواضعى

ويتبروا مني كمان برى

***

زي ما تحب فينا شرك

ربنا حفيظ من غلك

قلبك اللي شايل شرك

مين من نفسك يحلك؟

***

واخوك إذ كان يبغضك

يكره اسمك يعترض مديحه

يمكن لو تمساح عضك

أحن من سمومه النضيحه

واخوك ان كان باغضك

وان شافك مره ف بهجه

نظرته كما حبل شدك

ويخنقك بين نار وزهجه

***

بقول لدنيا مزولاني

انتى ما تغنيش عن آخره

هو انا مهنه مزولانى

موجه بتخبطنى ف سخره

***

التراب ع النيش كيله

والطعام ماهوش جواه 

يلا يا صحون عني اشكيله

ده غير اطباق ما فيش جواه

مربعات / حجازي يونس

***

اللي ما زال بلزق فيه

بعد ما ف نفسه شرك

اتسافه علينا السفيه

روح يكفينا شرك

***

اشتري كل من صانك

وابحث عنه حتي لو تاه

وبيع بادبك وحسن لسانك

من باعك ولو روحك معاه

***

واللي ف يوم جاني

اوقف معاه واسانده

اخدني لاعدائي وداني

وما ليش حق عنده

شوف العين بعد وداني

كما انياب غدر حانده

***

يا رب بخير كتير هو ناكره

اهديه علينا يا رب وعافيه

وبسوء ظن لينا فاكره

كما انها نار والعه فيه

وبكل احسان يا رب ذاكره

تحمينا من شر السفيه

لا ف يوم قال ربي شاكره

وطمع الدنيا لسه فيه

ويقينا من كل اللي ماكره

***

عملوا فيا ما يحتمل

إجري وأصرف وإخدم

اروح علي باب الامل

ياجي من يردم ويعدم

***

  ده عدوك اللدود

منك من لحمك ودمك

وحبيبك الودود

لا هو اخوك ولا ابن عمك

***

امانه والرب اللي ذاكره

بنبينا الزين عليه حصلي

وقرآن بقرأ فيه واذاكره

تحميني بيه مهما حصلي

***

صحيح من يكلم جريه

لها حق تمزع توبه

نشوفها نجري جريه

ونقول يا رب توبه

***

منافق يحب المعاصي

جابني اوقف ضد اعداءه

طلع ضعيف كداب وعاصي

 ما بقيتش عارف ايه داءه

***

ما تزعلش من حد باع نفسه

ولا باع شرفه ولا حتي كرامته

هايشتريك الذاي وانت بتنافسه

***

طول ما ربنا معاي.

ما فيش عدو يتغلغل جواي.

 ربنا عالَم ما فى نواه ونواي.

***

إذ كان ع الغدر هين

 أحمد الله اني عرفت 

الاخوان ضلعي الحنين

ما اقدرش اقول قرفت

ياللي لك اخوه كاخواتي

 من حقك بالطين تتطين  

 عيشه سوده زفت ف زفت

***

اياك خسيس يخس

ولا موقف خزي تعديله

يتعود عليك الفس

اوعي خليك متصديله

***

قدمت كتير للعكيس

صبرت وبرضه ما عجب

فاكره بشنط طلع كيس

وما أخدتش غير قلة ادب

***

واللي ماشفش يشوف

وش العالم متقشر

وش العالم مكشوف

تغاضي لحسن يكشر

نعجه والجزه صوف

خش الحظيره واشر

تنشال فوق الكتوف

***

خليك ورا خواجا بجم

ويا طابت يا تنين عور

والفقري يتردم يتردم

وعنيه ما تشوف النور

قلمي #حجازي يونس

وان تعب ولا عوعو

قولوا ده كلب مسعور

اكل عشا قطط بتنونو

ودوسوا عليه بالقدم

قلمي #حجازي يونس

اي اذمه من الغرب ولا لكعه

قلم هنا طرقع طرقيع

والشرق لا حجه ولا ركعه

ولا شبر وسط قبور البقيع

قلمي #حجازي يونس

ودا مسعور من كتر النهب

ودا مسعور من كتر الجوع

يبص فوق ينداس بالكعب

واهو غلط مساعير مرجوع

قلمي #حجازي يونس

ساعتكم بتمر ف ثواني

وثوانينا تمر سنين وما اقلق

ما احنا تحت كبيات ف صواني

من ده علي آده علينا يتلقلق

قلمي #حجازي يونس

***

موال

كل العالم آتباع ما فهوش غير خواجا متبوع

إشتري كل اللي إتباع عل الجبين مطبوع

واملاكه حصيلة بشر والكل تحت الطوع

تبكي تشكي ولا تكشر برضوا هتفضل ملطوع

لحد م ع القمح يأشر هل مسموح ولا ممنوع

وآهو كوز الدره خد قشر وخد فشار السبوع

علي شمس الصبر يفشر والعالم اصبح ملبوع؟

***

: الريح قام طير كل الناموس

كوم تراب كشح علي كومينه

فكك يا اسد م الجاموس

علي ما الحمار ياخد يومينه

مربعات! حجازي يونس

***

شوفت الهادي بشيره

شفيت مجلي م الاحزان

بوست على يده بشيره

افضفض صحيت ع الاذان

***

من شمت فيك ولا ذم

بقمع حديد بطنه اتغمت

واللي ما كنش حده لزم

عنيه بالرمله تتغمت

 ***

ياللي المعاني النفيسه بتنفعك واتسر

صلاة النبي اغلي من الياقوت والدر

دايما واجبه علينا في كل ثانية اتمر

  ***

رباعية

الدنيا بتغربل واتبيع

وعالم مترصع ترصيع

والقلوب ولا فيها صبر

والدنيا ما صبحت تسيع

***

 لما ف الغرام وديتني

اعمق مكان ف قلب

يا ريتها مكانت ودتني

ولا قلبت قلوبنا قلب

***

 ع الندل

اللي ياما وصيته

وعبيت له الخير عبي

ويوم ما روحت وسيته

جاب نمله تقرص ف عبي

***

 بكتب كافي كلامي 

من غير همزه ع اللام

تلاقيني كافي كلامي

واقول الله علاَم

***

 ماتلفيش حوليا شباكك

انتي ف بحري يا دوبك سمكه

يلا يا حلوه اقفلي شباكك

واجري يا شاطره بعيد بالشبكه

***

 قلبي يقولي لسه بحب

وهي فينا بتتملا ملي

اقوله خد شوية لب

وروح معاها اتسلا سلي

***

 وش الدنيا إصفر ومنيل

وهمومها واحزانها كتير

      خليك يا قلبي هنا إتنيل.     

  انا طالع اقضي مشاوير

***

والطاسه ان كانت مفتوحه

ترقع فيها ما ترقع

معادن بخسه ومفضوحه

لا بد ما ترجع وتنقع

...

ده اللي جاي لي مادح

ف روحه ولو ميه حلوه 

 غير رتوت والله ما ناضح 

 لا ليهم مغزي ولا سلوي

...

دنيا مطبات ومطالع

وحالف والله ما دخلها

وهاخد الباب وانا طالع

ما خلاص كشفت لي مداخلها

...

: والبخيل يا الغام ايده

ساعة ما قدم لي لقمه

عيني ماداقت الغميضه

كفينا شر الدون وعقمه

***

بحب الله وصلاه نبيه

نطير قلوبنا سبقانا

ما تتعلق أرواحنا بيه

نلاقي الخلق عاشقانا

***

جم راموني ف غرز

وقالوا سيفك تعا بارز

سبحانه فرز النوايا فرز

قال مين غاطس ومين بارز

***

 والشقي علي نفسه ردح

وقال المر وصل كيعاني

لولا ما صلي ومدح

من صلي عليه كي يعاني

***

ما تقولوا ايه الفيس اخره

والله عالم اي نوايا

وعالم نابته في صخره

وتخضر من غير نوايا

***

محترم نحبه أوقف له

عليك ف الدنيا والشين

سوا كانت فاتحه او قافله

واقلب له الوش وشين

**'

 نقرا ف القصص ما نقري

غير كتب الله ما راجح

وابليس والله ما نقره

غير اللي مع الله ناجح