والله بصراحة يا زميل

زميلك شغال اصافين

ما تقولش مفك ولا إزميل

اللي افتكرناه مظلوم

 وقولنا له متأسفين......

كل ما نمضي خطوه

نبني من اخوانا سدود ورانا

يمنع التخريب و السطوه

ارجعوا يا شوية ورانا

ده احنا تماسيح انيابنا كالمطوه

ويكسب من اشترانا......

الطريق دايره طويله وياما فيها

مسافات مكتوبه نمشيها

في طرق ولا البلاجات

فاردة شماسيها

واقفين جنب التلاجات

ايس كريم كولا والسفينه

شاقه طريقها طوالي

واحنا كلنا فيها........

ابصم بالعشرة فوقيها خمسه

من بين شفتين طالعه نسمه موش بسمه

رمشين ووجنتين عود كمنجا بالرسمه

الكلمة طالعه من بين الشفتين نعومه

تخليك تسامح كل اللي مخاصَمه

امال ايش الحال لو كانت همسه

ابصم بالعشره فوقيها خمسه............

ماشي علي الارض

مخوض في طين و ليان  

والقضيه اتفرضت فرض

عليك وعلي فلسطين يا عليان

العرب كانوا جوز ولا فرد

عريان و بنفسه ما دريان........

لو انت شايف

كتير عليا اكون انسان

وانت يا انسان 

لا انت خالقني

 ولا تعلم شي عني

في حبالك ليه معلقني

روحي وروحك للديان

ولو شايف روحك موش انسان

ارحل انت تبعد عني

لا كتير عليا اكون انسان

ولا شاعريتي ولا فني

انا اقابل السوء بالاحسان

اذ ضاق قلبي بالسواد دفني

في بير ظلام مع عميان

من غير حتي ما يكفني.......

امشي يم اليمين

تبلغ قمم الجمال

قال لك اوقل في كمين

دايم سبل النجاه

ويحتار فيك الشمال

واياك تحلف يمين

ولا توقف مع العيال

وعيش مع البشر امين

واللي يظلم ف مكيال

اياك تقول له امين

ولا تبقي شريك في ريال

مالكش فيه مليمين..........

الصوره تبهت وتروح

وتظهر فيها حبيبة الروح

ام الحنان مستسيدة

و نفيسةلعلم مؤكده

وزينب عواجز و جروح.........

وبنفسك ليه بتتفاخر

مهما الدنيا لك اغرت

شوف مكانك في الاخر

قبل ما ترقص ولا تزغرت........

الطير مهما يهاجر

لابد ما يرجع يعود

بعد ما شاف عالم فاجر

غابه ويرأسها قرود

الطير هبط في محاجر

وجناحه ماهوش مفرود

افضل ما ينزل جزر يناجر

تحت مظلة حمير وقرود........

كل الصور

كل الصور بريئة *

كل الصور تظهر وتختفى

والرب له مشيئة*

برق يضوي وينطفي

ومن يرضي الله ف طريقه

الملايكه تفرح بيه وتحتفى

...

ايه السكوت..... وقت الكلام

 ووقت السكوت..... حكاوي كتير

لجل ما يعم السلام

زعماء العرب اي قرار

او تخرجوا منها بسلام

احداث تتوالي

 انتم مالكمش كلام

...

النهار جسر اللهب

شامخ فوقه النخيل

طارح شمس الدهب

مفروشه على وش النيل

يكتب حكاوي الخلق

من فوق المناديل

صوت غناوي يرن ف الودان كالبرق

والسما معلقه الفوانيس

تغيبي ف غرب تطلعي شرق

ستارة الليل خلف الكواليس

انظر بالاحساس

تشوف الجمال والفرق

بين يا عم الناس والخلق

كما الطير الزاير ومهاجر

في ضيافة نيل واصيل

...

الجفنين نايمين

والرموش ريش نعام

مرسومين رسمه

شاقه الشفايف بسمه

اياكم تلوموا يا لايمين

فينكم علي ما تفهموا

ولا حتي تحسوا

هو انتم زينا ناس

ليكم في الاحساس

ولا شي كما الطوب ترصوا

يا خلق حسوا القلب ماحسوا

...

الوحده جليستى والهلع انيسى 

والغدر زندقة الانجاس

سيف علاء الدين حبيسى

متكتف من جنس الناس

..

كلما اشتاق القلب

عانقت روح الصبى

من صل عليه الرب

جميل سيدنا النبي

صل عليه الضب

والنحل والظبي

صل عليه يا رب

والنجاة مطلبي

من شر خلق او ذنب

صل يا رب ع النبي

...

صلاة النبى نجاه

من كل سو او غبي

في حبيبه تسترجاه

وتصلي علي النبي

...

سلوك الديابه تحترم مع بعض

قلبي تبنى أفعال بشر وعالها

نازلينها ف بعض عض

وياما تعابين ما حد وعالها

...

ياما بشرية ما تستحي

افعال زفت كده عادي

وهو في نفسه بيشتفي

وهو فاكره كيد اعادي

...

واللي بالفساد ينجح

كفته عمرها ما بترجح

لساها ع الميزان

تنزل والريحه نتنه

كل الكلاب عليها تنبح

...

كل معني وله معاني

وكل مغزا وله مغزاه

بعد النبي لما اعانى

هزم الكافر ما غزاه

...

ويا ريتهم كانوا وحوش

دا ما الا شوية جحوش

قرطموها قرطيم

نامت قالت ما ينفعوش

...

صلي عليه وزيد

يبقالك ف الجنه رصيد

وف الدنيا اذ كنت تريد

صلواته نور وانوار

تحرق شيطان ومريد

...

نسيب الارض

نتقابل ف السما

او حتي يوم العرض

اادنيا دي حسبما

ينفذ الله اللي كاتبه

...

وبتشكي لكل واحد فيهم

انت بتهرب من مارد لمارد

عفاريتهم وحدها تكفيهم

دول ناس مخازي وبوارد

ولو لهم كبير هيعيب فيهم

ويعيبوا فيه واقلهم يتمارد

الله يعافينا ويشفيهم

من يعيش وسطيهم

يعيش مغيب شارد