هتعيش طول عمرك تتمني

وموش هتطول

لأن احنا موش ف الجنه

وهنرحل مهما المشوار يطول

ووو

من سباقونا كانوا عارفين

على موش بتاعنا بنتخانق

اكيد سايبينها وماشيين

كله ملك الله هو الخالق

ووو

يا عزيزى كلنا لصوص

هاسبك للمخ صوص

وهسرق بشويش بشويش

وهركب القطر المخصوص

ووو

لا محبة يأجوج تبني

ولا كراهية مأجوج تهد

آدي تبنك وآدى تبنى

وآدى الغله لمن يجتهد

ووو

اللي يقل ادبه

ويقولوله اسكت وما يسكتش

بيسكت للابد

والادب ده تاريخ ما يموتش

ووو

مؤدب وموش بخاف

وموش بهدد ولا بتهدد

والغدر موش ف طبعي

ولا بغلط وبرجع اتودد

ووو

نصيحه يا ريت تبعد م اللي

كما انه لغز وموش واضح

ماتقرب عنه مترين ولا مللي

يخرجك بموقف فاضح

ووو

كيف بإنسانيتك ترجع

للي مواقفه كلها حزاك 

ده افتكارتك ليه توجع

حازى ع اللى ف يوم حزاك

ووو

ياما دفعت الابله كاش

هدية لغلبان لمن طلبه

جه الوقت وصبح الابلكاش

مصنوع علي حساب طلبه

ووو

لما اتعلمنا في المدرسه

ان مادة الدين دي ماده مافهاش نجاح ولا سقوط

.اهملنا الدين الذي اسقط مجتمعات. الحياء من الدين المبادئ من الدين الضمير من الدين

ووو

اللي يجيب م الاخر ف النداله

افضل م اللي يسلب عمرك كله

عشان تكتشف انه صفيحة زباله

يكون لبسك ف العيط وغراك كله

ووو

ما تكشفش حد قدامك

لانه موش هيصدق

اكشفه قدام نفسه

عشان يبطل يحدق

ووو

سوا بالعرض ولا بالطول

انا بجيب اول ف آخر

ومع اللى حواراته بتطول

ومعدنه دقيق فاخر

ووو

الاخوات سند. لما سند يسند حاجه ف التلاجه وييجي سند يتخانق عليها مع اخوه سند

وانت يا سند صاحب الحاجه بس مامعكش مستند????????????

ووو

المتسامح سامح. والكذاب إعتقد لأنه برر

وإذ استمر الكذب فالسماح لن يعد يتكرر

ولا بد من كل متسامح من هؤلاء ان يتحرر

ووو

علي ايه جاي موصوف

عايز ولا موش عايز

القلب كله سيوف

ولا انت عايزلك جنايز

ووو

نهر المحبه انجرف

والشمس نشفت ع السطوح

وكل قلب انحرف

حود شمال ما رجعش

واللي داس لك علي طرف

او غدر اكيد ما نفعش

والتلج صاب الناس

لما الوشوش نحست

والجرد كله اتعرف

باعوا ليه الاحساس

وعدم النخوه اتأسست

والمخلول اعترف

والمخازي اتوسوست

نصروا عديم الشرف

وركبوه الفرص

حولوا غوازي وترف

وعنده شلة وحرص

والكراهيه بلاش

ونهر المحبه انجرف

ووو

صدق ما شاف لتر زيت

صدق ما طار طش

انت يا اللي اترازيت

ايه ده اللي عليك طرطش

ووو